DILI (Timor Post) – Tanba krizi politika no pandemia Covid-19 ne’ebé akontese iha Timor-Leste (TL) halo ekonomia rai laran tun drastic hodi afeita ba ema hotu-hotu menus aihan nune’e Lider Karimátiku, Kay Rala Xanana Gusmão apoiu aihan baziku ba relizioju balun iha Dioseze Dili.
Hanesan komunikadu imprensa ne’ebé Timor Post simu hateten, apoiu Lider Karimátiku, Kay Rala Xanana Gusmão ne’e hala’o iha Kinta, (10/06/2021) fó ba Madre Congregasaun Canosiana iha Lesidere nomos Padre no seminárista sira iha Semináriu Maiór Fatumeta.
Ba reponsavel Madre Canosiana Lesidere, Terezinha Gusmão iha sira nia rezidensia, Tomas do Rosario Cabral nu’udar Sekretáriu Apoia Solidaridade Maun Boot Kay Rala Xanana Gusmão intrega foos kilo grama (kg) 20 hamutuk saka 12. Foremunggu karon 3. Koto karon 1. Mina bimoli litru 5 kaixa 1.
Hafoin intrega aihan iha rezidensia Madre Canosiana Lesidere ekipa apoia Solidaridade Maun Boot Kay Rala Xanana Gusmão kontinua intrega apoiu ba Semináriu Maiór Fatumada, Postu Administrativu Don Aleixo, Dili hodi entrega tan foos saka 20. Mina bimoli 5 liter kaixa 1. Foremungu karon 1. No koto karon 2.
Apoia hirak ne’e simu direta hosi Padre Eduardo de Almeida no Padre Abito José Brites hodi hato’o agradese ba domin ne’ebé oferese hosi Lider Istóriku Xanana ho ekipa emprezariu Timoroan sira.
Ba ekipa Padre Eduardo introdus katak, dadaun ne’e padre sira no seminarista 200-liu maka hela iha Seminário Fatumeta- Dili hodi hala’o sira nia estudu espiritual no área edukasaun oin-oin.
Na’i lulik ne’e konsidera, aihan sira ne’ebé oferese nu’udar grasa ida hosi Na’I Maromak, tanba durante ne’e sira mós presiza tebes aihan bele fasilita sira nia nesidade konsumu iha moris loron-loron nian.
Iha parte seluk, Tomas do Rosário informa apoiu ne’e oferese hosi Maun Boot Xanana hodi tulun povu,inklui madre no padre sira Ne’ebe presiza aihan.
Nia dehan, tuir loos apoiu atu oferese hosi, Maun Boot Xanana, maibé tanba ohin okupado ho servisu ho ekipa X-Team Tasi Tolu komesa sobu ona ekipamentu sira iha Tasi Tolu, tanba ne’e labele partisipa.
Hahú kedas iha tinan 2020 liubá, bainhira Timor-Leste luta hasoru propagasaun surtu Covid-19, Xanana hala’o kedas viazen ba munisipiu sira ho apoiu seitór privadu Timoroan no internasionál lori apoia aihan baziku fahe ba vitima dezastre, idozu abitante sira ne’ebé sofre moras difiensia hodi bele tulun sira nia necesidade.(Lee notísia seluk iha jornál Timor Post)
696 total views, 3 views today
