Timor Post (14/01/2021)—Baraka hodi faan roupa “Obralan” iha Tasi-Tolu, derepente de’it monu no konsege hanehan ema na’in-haat iha laran.
Akontesimentu ne’e mosu maizumenus tuku 10 dader ne’e. Ema na’in-haat ne’ebé baraka hanehan inklui feto na’in-ida no feto na’in-tolu.
Sasin ba akontesimentu ne’e ho naran istima Rico ne’ebé iha momentu ne’eba hanesan konsumidor haktuir, nia ba fihir roupa iha fatin ne’e, rona lian hanesan buat balu atu naksobu maka nia halai kedas i loos duni bainhira nia halai kuaze metru lima baraka mós monu i tarutu maka’as.
“Hau husu hela kalsa ida nia folin, ha’u rona ai tarutu entaun ha’u halai sai, sira nain haat mak la konsege halai sai,” Rico ba Jornalista Timor Post hafoin akontesimentu no família sira evakua vítima sira ba halao tratamentu saúde.
Tuir observasaun Timor Post, hafoin vítima sira ba ospital, sira fila ho família sira kontinua hadi’a baraka ne’ebé monu hodi kontinua hala’o sira nia atividade negósiu. (ono/lyl)
690 total views, 3 views today
Oinsa Ita nia Reaksaun iha Notisia Nee?
Bele hare Video Seluk :
1
/
1886
MISSA PASKOA KINTA-FEIRA SANTA IHA KAPELA MARIA AUXILIADORA FOMENTO I
MISSA PASKOA KINTA-FEIRA SANTA IHA KAPELA MARIA AUXILIADORA FOMENTO I
PNTL Selebra nia Aniversariu ba Dala 24 iha Resintu Kuartel UEP
1
/
1886