DILI—Operasaun konjunta kompostu husi komandu Unidade Polisia Fronteira (UPF), F-FDTL no Polisia Eskuadra Tilomar kaptura tiha ona sidadaun Indonézia na’in-tolu ne’ebé lori ho kilat manu ida ho rajaun kasa hela animal fuik iha area júridiku Timor Leste nian iha Tilomar-Kovalima.
Sidadaun nain tolu ne’e kompostu hosi Mateus Mali ne’ebé lori kilat manu ida ho nia musan 40, no Yence Mau (22) ho Ikson Bau (15) ida-idak lori ho katana.
Polísia halo kapturasaun ne’e rekolla kedas sasan evidénsia sira inklui Lekirauk ida ne’ebé mak sira tiru mate ona.
Via telefone ba Timor Post, Kuarta (03/06/2020), Komandante Komandu PNTL Munisípiu Kovalima, Superintedente António de Sa informa, sidadaun hirak nee bainhira komandu UPF, F-FDTL, no eskuadra Tilomar halo operasaun konjuntu mak kaptura iha area Wesei Postu Administrativu Tilomar nian, iha loron Tersa (02/06/2020), maizumenus tuku 14:00.
António haktuir, sidadaun sira ne’e hakat liu tiha fronteira kilo metro rua iha area Wese nian tanbá nee mak ita nia forsa operasaun konjuntu ka’er.
Komandante nee hatete, iha prosesu investigasaun autór nain tolu deklara objektivu sira nian hodi hakat tama mai area Timor-Leste atu kasa, tanbá sira hosi Malaka besik kedan fronteira Tilomar.
Sira konsege tiru duni lekirauk ida mate, ne’ebé evidensia sira nee agora iha komandu PNTL municipiu Kovalima, no sei subemete ba prosesu, informa António
Enkuantu prosesu investigasuan ba autór sira, nia haktuir, bainhira forsa kontinuta kaptura autór sira, komandu kontaktu kedan ekipa taks force, no médiku sira lori ambulancia tula autór nain tolu nee ba kuerantina halo teste kedan sintomas hosi autór sira nee.
“Agora dadauk sira iha hela kuerantina, depois ohin polísia kontinua halo invetigasaun, no ohin nee ita haruka kedan ba Ministériu Públiku para halo prosesu normal, depois halo fali deportasaun ba sira, tanbá ita labele tahan sira iha nee, katak Nia
Maske nunee, konabá evidensia sira hanesan kilat manu ida ho munusoens hat nulu, no katana rua, inklui lekirauk ida ne’ebé sira tiru mate dadaun nee polísia halo ona auto aprensaun.
Autór nain tolu nee komete ba krime tolu, primeiru sira viola ona lei numeru 11/2017 konabá lei imigrasaun nian sira hakat entra ilegalmente laiha dokumentus, segundu sira viola ona dekretu lei numeru 5/2017 konabá lei arma branka tanbá sira lori sasan kroát hanesan katana, no kilat manu, terseiru sira mos viola lei ambientais nian, tanbá sira mai kasa animal fuik iha ita nian area júridiku hodi tiru lekirauk.
Tanbá nee komandu PNTL municipiu Kovalima, liu hosi ninian investigasuan sei halo prosesu detailu, sei halo auto aprensaun hodi hatoo ba Ministériu Publiku nunee bele hatoo mos ba Kedutaan Besar Republik Indonézia (KBRI) bainhira deporta sira fila sira sei submete ba prosesu iha sira nian fatin.
Komandante nee mos hatete, antes nee mos Komandu PNTL municipiu kaptura mos eis grupu arte marisias ne’ebé halo aktividade sae sabuk, evidensia sira ne’ebé mak olísia prende mak hanesan tudik kris, manu mutin, emblem arte marisias. Enkuantu suspeito nain ualu, nain lima polisia detein, no nain tolu polisia hosi fila fali tanbá minoridade. (res)
1,350 total views, 3 views today
Bele hare Video Seluk :
Subscribe to Timorpost
