Timorpost.com | COVALIMA – elementu hosi grupu arte marsiál atake komunidade, harahun motorizada 7 uma 10 no kioske rua inklui taa kanek ema, no suspeitu sira la koopera ho autoridade seguransa.
Segunda foin lalais, iha tuku 10 kalan halo atake ba komunidade iha suku Tasilin, hodi estraga komunidade ninia sasán uma laran, kioske no motorizada inklui hakanek komunidade ida.
Xefe Suku Tasilin, Martinho Magno haktuir atake refere derrepente de’it. Durante ataka malu ne’e maka rezulta ema nia uma, ema nia kadeira ema nia sasán kioske nian
“Foti sasán na’ok lori hotu, Balu foti ema nia dosi mai tuur hamutuk han hanesan sira ninia kosar been…Atributu ne’e PSHT nian, tanba sira leno malu be ha’u haree hosi dook,” deklara Xefe Suku Tasilin ne’ebé Timorpost.com asesu hosi Cova5news, Sesta 2/06/2023.
Vítima Joana dos Reis relata katak grupu refere pertense ba grupu PSHT hosi Bora Ikun maka halo asaltu refere. “Ami hanesan inan aman ami lahatene problema nee saida, derrepente sira mai asalta ami”, vítima ne’e kestiona.
Pate seguransa Komandu PNTL Covalima, Superintendente Bazilio de Jesus relata Komandu munisípiu atua kedas situasaun. Entre sira ne’ebé mai hosi aldeia Bora Ikun sira lubuk boot organiza mal.
“Suspeitu sira ne’e identifikadu, hamutuk na’in 22, ita buka bolu atu koopera prosesu judisiál maibé sira la koopera,” relata Komandante PNTL Covalima ne’e hodi husu ba Ministériu Públiku atu oinsá atu halo kapturasaun imediatu ba suspeitu sira.
1,473 total views, 6 views today
