ADVERTISEMENT

SII Baukau Distribui Sertifikadu ba Voluntáriu Prevensaun COVID-19

Timor Post - Baucau
  • Share

BAUKAU—SII (Sentru Imformasaun Integradu) munisípiu Baukau distribui sertifikadu apresiasaun voluntáriu prevensaun COVID-19  nain 48 tanba durante ne’e sira oferese-an hodi hala’o servisu kombate surtu COVID-19 iha munisípiu maske ho voluntáriu.

Kesataun ne’e hato husi  presidente autoridade munisípiu Baukau António Augostu Guterres hatete atividade fahe sertifikadu ba voluntáriu  inklui pessoal saúde ne’ebé mak durante ne’e hala’o servisu hodi fo apoiu masimu ba sentru imformasaun integradu atu halo prevensaun mitigasaun no promasaun saúde publiku iha munisípiu laran.

ADVERTISEMENT
SCROLL FILA BA NOTISIA


Nia esplika voluntáriu sira ne’ebé apoiu sentru informasaun integradu ne’e mai husi estudante inklui mos husi xefe juventude suku Triloka, enkuantu husi estudante mos laos espesifiku ba iha siensia saúde maibe mos husi siensias sosiais, agrikultura no seluk tan.

“Sertifikadu ne’e ita fo ba voluntáriu sira hamutuk ema nain hat nulu resin ualu, balun estudante saúde nian, balun munisípiu, I estudante sira mos laos husi saúde deit maibe relevante ho asistensia saúde nian, maibe ohin ita fo sertifikadu ba sira tanba estensaun estadu emergensia focus deit ba area balun deit ona, filar lima ne’ebé ita hari’I kontinua lao mais ita redus pesoal voluntáriu sira ne’e para sira halo fali atividade bai-bain, estudante kontinua sira nia estudu, sira seluk hala’o fali sira nia atividade”dehan PAM António Kinta feira lokraik (28/5) iha salao SII.

Lider munisípiu Baukau ne’e afirma maske voluntáriu sira hato rekomendasaun barak maibe hanesan autoridade kontinua nafatin hato’o ba parte diresaun saúde hodi hare ba preokupasaun hirak ne’e, entertantu liga ba lista relatoriu kona ba kontribuisaun material nafatin relata mos ba governu sentral.

Iha fatin hanesan representante voluntáriu Teresa Martins Belo hatete hanesan Baukau oan oferese ona an servisu voluntáriu durante fulan rua ba surtu COVID- 19, no husu ba ministériu saúde bainhira loke vaga sevisu fo prioridade uluk ba sira tanba iha ona esperiensia voluntarismu nian.

“Ami hanesan Timor oan, liu-liu munisípiu ida ne’e nia oan fo ona ami ninia an hodi hala’o servisu ba surtu COVID-19 ne’e, I ami iha ona baze legal ida, bainhira parte ministériu saúde loke vaga ruma karik fo prioridade ba ami,” dehan Teresa.

Partisipante ne’ebé hola parte iha serimónia distribui sertifikadu apresiasaun ne’e mai husi, presidenti autridade munisípiu, diretora ezekutivu HoREX Baukau, presidenti konsellu veteranu Baukau, PNTL, F-FDTL, diretór servisu saúde munisípiu inklui voluntáriu sira. (gut)

 705 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “SII Baukau Distribui Sertifikadu ba Voluntáriu …” A few seconds ago
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: