BAUKAU–Hahú husi festa paskua liuliu Kinta feira Santa, Sesta feira Santa, Sábadu aleluia no Domingu resureisaun situasaun seguransa iha estasaun misaun São Sebastião Ossoqueli la’o ho hakmatek.
“Jesus nia moris hias lori ksolok mak ita, husi Jesus nia moris hias ida ne’e sei kuda metin iha ita fuan,” hateten Amu Selebrante, Carlito Titilaka, iha Domingu resureisaun iha Igreja Ossoqueli, Domingu (09/04).
Nia omilia, tanba ne’e nu’udar sarani ne’ebé di’ak hanesan ezemplu ne’ebé jesus hatudu hela iha mundu katak maski hasoru dezafiu oioin maibé haksolok nafatin.
Iha Selebrasaun sira ne’e hetan partisipa masimu husi sarani Ossoqueli.
“Diferensa paskua iha tinan ne’e, tanba iha tinan sira liubá ne’e kuandu selebrasaun iha kalan hanesan ne’e sempre mosu problema entre Joven sira,” haktuir Sarani Januario da Conceição Freitas.
No iha tinan ne’e sarani sira sente kontente hodi partisipa iha selebrasaun paskua ho másimu. Nune’e mós hetan seguransa husi Polisia Nasionál Timor-Leste (PNTL) husi postu Administrativu Vemase, Munisípiu Baukau.(jho)
1,959 total views, 3 views today
Bele hare Video Seluk :
Subscribe to Timorpost
