DILI (timorpost.com) – Ministru Obras Públikas (MOP), Abel Pires, hatete kona-ba projetu estrada diresaun Postu Administrativu Laga ba Baguia, Munisípiu Baukau ne’e, kompañia assina ona kontratu.
“Laga-Baguia ohin kompañia assina ona kontratu, no agora ha’u fila sei assina hotu, tanba ohin Ministru Finansas no Diretór Komisaun Nasionál Aprovizionamentu fó ona informasaun mai ha’u,” nia hateten, iha Palásiu Governu, Tersa (25/10).
Nia reforsa, tanba kompañia manán na’in sira ohin assina ona kontratu iha dadeer no sira-nia parte lori kedas ona ba iha parte Ministériu Obras Públika nian, entaun nia fila sei ba assina hotu hodi haruka fali ba Kámara de Kontas.
Eis Deputadu ne’e esplika, kuandu haruka fali ba iha Kámara de Kontas ne’e nia durasaun másimu fulan ida, entaun tempu badak ne’e nia laran sira tenke halo kedas ona aprovasaun ka vistu.
“Iha fulan Novembru nia laran ne’e ha’u hanoin ita bele ba halo ona lansamentu ba Estda Laga ba Baguia, tanba ida ne’e faze finál ona laiha tan prosesu iha klaran, tanba ba iha Kámara de Kontas ne’e mak ikus liu ona,” nia hakotu.
Enkauntu projetu estrada diresaun Laga ba Baguia ne’e manán husi kompañia NORINCO Cooperation Internasionál LDA husi China, mak sei halo estrada refere.
1,701 total views, 6 views today
Bele hare Video Seluk :
Subscribe to Timorpost
