(Reportajen Jose Mauno/Editor Mateus da Cruz)
BAUKAU–Kandidatu prezidente repúblika períodu 2022-2027 ho númeru sorteiu 1, Jose Manuel Ramos Horta, promete bainhira eleitu sei servisu hamutuk ho governu hodi hadi’a membru Polisia Nasionál Timor-Leste (PNTL) ho Falintil Forsa Defeza Timor-Leste (F-FDTL) sira nia moris.
” sei buka fó apoiu maka’as ba PNTL ho F-FDTL tanba uluk sei prezidente sempre reuniaun ho lider Kay Rala Xanana Gusmão katak tenke hadi’a sira nia moris”, nia hatete bainhira hala’o dialogu ho komunidade suku Kairiri, Baukau Vila, Sábadu (09/04).
Lee Notisia Relevante : Horta Promete Sei Hatún Tasa Eletrisidade ba Setór Privadu Sira
Premiadu Nobel da Pas ne’e hatete, primeiru nia sei buka meius oinsá maka governu tenke hadi’a uluk membru polisia no F-FDTL sira nia moris nu’udar ema, depois kontinua ho sira nia infraestrutura ho formasaun.
“uluk hotu-hotu haree sira nia moris ne’e oinsá liuliu sira nia vensimentu atu oinsá moderniza forsa armada. Agora seidauk di’ak, seidauk kompletu tenke haree liután, Ita nia polisia nia kondisaun operasionalidade, kondisaun moris, sira nia formasaun para ita nia forsa bele ba li’ur halo operasaun”,
Entretantu, Aderito da Costa, Portavós movimentu husi PLP deklara apoiu kandidatu númeru sorteiu 1, tanba interese nasionál.
“Hakarak apela malu sira hotu, ita rona iha fatin hotu-hotu katak, Jose Ramos Horta kuandu sa’e atu taka arte mariais ne’e bosok”, nia hateten.
Tuir observasaun Timor Post katak, kampaña eleitorál ho maneira diálogu ekipa kandidatu akompaña husi koordenadór CNRT munisípiu Baukau, veteranu no partisipa másimu ho apoiu husi partidu CNRT, PD, PUDD, Frente Mudansa, PDRT, PST no seluk tan.
Diálogu ne’e mós hetan observasaun husi Komisaun Nasionál Eleisaun (CNE-Sigla Portugés) ho mídia tour no mós hetan seguransa másimu husi polisia nasionál Timor Lorosa’e (PNTL) munisípiu Baukau.
796 total views, 3 views today
