ADVERTISEMENT

Suku Bikeli Sai Vensedór iha Kompetisaun Kulinária

Mario da Costa - Atauro
Jornalista : Cesasario Sousa
Editor : Mário da Costa
  • Share
Vensedora sira iha kompetisaun kulinária produtu lokál iha Munisípiu Ataúru, Imajen TP/Cesário Sousa

Ataúru (timorpost.com) – Festivál Múzika no Kultura Ataúru, taka ho kompetisaun kulinária ka tein hahán lokál Ataúru nian no sai vensedór mak Suku Bikeli.

“Ami halo hanesan restaurante ki’ik ida, ami tein produtu lokál de’it ba turista sira ne’ebé mai vizita Ataúru, ne’ebé menu mak hanesan batar tuku belar, fore, lakeru, marungi tahan, mina, masin, ” hateten Manan nain, Sofia Aves, hafoin simu prémiu iha Festivál Múzika no Kultura, iha suku Maumeta Vila, Kinta (24/11).

ADVERTISEMENT
SCROLL FILA BA NOTISIA


Nia dehan, la espera bele manán iha kompetisaun ne’e, maibé ba oin sei hadi’a di’ak liután hodi nune’e atende vizitante sira ho di’ak.

Lee Mós :
PNTL Ataúru Prontidaun Ezekuta Ordem Asegura Eleisaun Suku

Kada kompetitor kompostu husi ema na’in-2, tanba ne’e manan iha kompetisaun ne’e mak Sofia Alves no Olinda Soares.

Iha sorin seluk, Ministru Koordenadór Asuntu Ekonómiku (MKAE), Joaquim Amaral, enkoraja nafatin kompetitora sira atu nune’e bele promove liután produtu lokál liuhusi hahán. Nune’e bele dada vizitante sira husi Munisípiu seluk inklui mós nasaun seluk.

“Importante barratu, tanba ne’e tenke haree kompetisaun hanesan oportunidade ida aproveita ita boot sira-nia produtu rasik hodi kontribui ba iha Turizmu Ataúru,” hateten nia.

Lee Mós :
Provizória Estrada Diresaun Suku Kaibada-Makasae Taka

Tanba ne’e, nia lori Primeiru Ministru nia naran hato’o agradese ba partisipante sira, ne’ebé promove ai-han lokál iha Ataúru, hodi nune’e bele servi di’ak liután turista sira ne’ebé atu mai vizita rai Ataúru.

Entretantu, abertura iha eventu no kompetisaun kulinária ne’e partisipa husi Suku Bikeli, Makadadi, Makili, Beloi no Maumeta vila, no hetan apoiu husi universidade Dili Institutu Tecnology (DIT), liuhusi departamentu Kulinária no Gastronomia.

Primeiru lugar ho pontu 282 husi suku Bikeli, montante osan 200 USD ho mákina tein ida, Segundu lugar ho Pontu 276 suku Vila maumeta montante osan 200 USD, Terseiru lugar Totál pontu 256 suku Beloi montante osan 200 USD, Kuartu lugar ho Pontu 251 suku Makili montante osan 200 USD, no Kinta lugar ho Pontu 237, Maumeta vila ho montante 200 USD.

 1,491 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Suku Bikeli Sai Vensedór iha Kompetisaun Kulinária” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No