ADVERTISEMENT

Tinan 2023, Xefe Estadu Hakarak Haree Populasaun Ataúru Asesu Bee Moos

Mario da Costa - Atauro
Reportajen : Mariano Abi
Editor : Mário da Costa
  • Share
Prezidente Repúblika, José Ramos Horta, Imajen TP/Mariano Abi

Ataúro (timorpost.com) — Iha Festivál Muzíka no Kultura Ataúru, Prezidente Repúblika (PR), Jose Ramos Horta, nota populasaun enfrenta problema bee moos.

Tanba ne’e, nia hatete tinan oin 2023, hakarak haree populasaun Ataúru tenke asesu bee moos.

ADVERTISEMENT
SCROLL FILA BA NOTISIA

“Ha’u-nia hanoin Primeiru Ministru iha ne’e durante loron hira kedas halo nia esforsu ho Konsellu Ministru sira iha ne’e halo reuniaun. Iha posibilidade tuir Lei orsamentu bele halo preferénsia, se osan ruma ne’ebé laiha previzaun atu tau boot iha Ataúru, mais ha’u haree iha ona,” PR Horta dehan, iha Portu Beloi, Kuarta (23/11).

Lee Mós:
Baukau-Oan Okupa Primeiru Lugar Kompetisaun Nani iha Ataúru

Portantu orsamentu ne’ebé dedikadu ba Ataúru ne’ebé di’ak ho boot, tan ne’e iha orsamentu ne’e nia laran mak bele muda item ruma.

“Ha’u fiar serbisu makas sei rezolve problema bee, ne’e iha solusaun ida, solusaun ida di’ak mak desalimizasaun ne’e infraestrutura boot ka karun, ne’ebé ba oin halo solusaun, tenke halo transforma bee tasi ba bee moos,” Xefe Estadu aumenta.

Lee Mós:
Proteje Biodiversidade, Governu Kuda Ai-Parapa iha Tasi-ibun Ataúru

Klaru kuandu Governu halo ho konbustivel normál, ne’ebé halo ho solar pinel, solar mak halo desalemizasaun teknolojia foun, ne’e kustu menus kuandu hahú, mais depois ba oin kuaze laiha tenke halo ida ne’e mak halo manutensaun.

“Prontu ha’u sei tau matan ba ida ne’e, tanba tinan 20 la rezolve problema bee iha illa oan ida maski populasaun 10.000 de’it, oinsá ita bele ko’alia fali atu rezolve problema bee iha Timor-Leste tomak,” nia promete. “Ne’e duni 2023 ha’u sei akompaña, ha’u hakarak haree problema bee rezolvidu, ha’u hakarak haree sub-nutrisaun ba iha Ataúru”.

 654 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Tinan 2023, Xefe Estadu Hakarak Haree Populasau…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: