ADVERTISEMENT

SENE ART Kontente Partisipa iha Eventu Festival Ataúru

Mario da Costa - Atauro
Reportajen : Mariano Abi
Editor : Mário da Costa
  • Share
Membru SENE ART halo hela Statua Ida iha Feira ne'ebé realiza iha Ataúru, imajen TP/Mariano Abi

Ataúro (timorpost.com) — Grupu Kriativu Juventude SENE ART, sente orgullu tanba bele hola parte iha Festivál Muzíka no Kultura Ataúru hodi halo promosaun ba sira-nia obra ne’ebé durante ne’e sira halo no estabelese ona iha fatin turizmu ou sitiu istóriku sira Timor-Leste nian.

“Ami sente kontente tebes bele hola parte iha eventu ida ne’e no ida ne’e foin primeru-vez mai ami, atu hola fatin hodi halo promosaun ba ami-nia obra sira ne’ebé durante ne’e halo,” Calisto Lelan, dehan hafoin Governu ho Estadu abertura eventu kalan kulturál ne’ebé organiza husi Sekretaria Estadu Arte no Kultura (SEAK), iha suku Maumeta Villa, Tersa kalan (22/11).

ADVERTISEMENT
SCROLL FILA BA NOTISIA

Calisto nu’udar membru no reprezenta Koordenadór Ezekutivu SENE ART, ne’ebé la partisipa iha eventu refere, tanba iha asuntu ruma iha Dili. Nia aumenta, dezde Governu ho Estadu abertura Festivál, Múzika no Kultura Ataúro, ema bara inklui funsionáriu balu mak vizita sira-nia fatin.

Lee Mós:
Proteje Biodiversidade, Governu Kuda Ai-Parapa iha Tasi-ibun Ataúru

“Komesa horisehik ema barak mak vizita Ami-nia fatin inklui funsionáriu balun liuliu alin ki’ikoan sira ne’e mai haree saida mak ami halo. No kona-ba ema ruma iha ineterese atu halo (produs) ne’e seidauk iha no sira husu de’it ami-nia fatin no husu ami husi Munisípiu ne’ebé,” Calisto relata.

SENE ART hetan suporta husi Ministériu Koordenador Asuntu Ekonómiku (MKAE) no iha eventu ida ne’e mós SENE ART hetan komvite husi MKAE hodi partisipa iha Festivál ida ne’e atu halo promosaun.

Alende observasaun husi Timor Post Online nota iha eventu ne’e katak, SENE ART hetan duni apoiu husi MKAE ho lema mak “Apoiu Subvensaun Públiku Husi Gabinete ba Emprezáriu Ki’ik no Mediu” Husi lema iha pontu tolu (3).

Lee Mós:
Suku Bikeli Sai Vensedór iha Kompetisaun Kulinária

Primeiru kona-ba hakbi’it Emprezáriu ki’ik ho mediu hodi kontribui ba ekonómia, segundu mak hakbi’it no promove produtu potensiál no terseiru maka diversifikasaun ekonómia atu kontribui ba cadeia de valor.

Nia subliña, SENE ART hahú eziste iha Timor-Leste iha tinan 2012 to’o ohin loron ho Juventude ida ho naran kompletu Emanuel Lelan no agora ne’e mak nia nu’udar Koordenadór Ezekutivu SENE ART husi Rejiaun Administrasaun Espesiál Oé-kusi Ambenu (RAEOA), Sub-rejiaun Oesillo, Suku Bobometo, Aldea Usapi-kolen.

Nia esplika, signifikadu SENE ART hanesan ne’e, SENE mai husi liafuan Baikeno ho lian tetun Gon, tanba Gon hanesan ema hotu-hotu hatene katak, intrumentu tradisionál ne’ebé ema sempre uza halo serimónia kultura no mós simu bainaka.

Hanesan mós Timor-Leste ne’ebé identiku ho ida ne’e, tanba ne’e SENE foti hodi sai sira-nia Grupu nia naran no Art hanesan ema hotu koñese katak, arte ou ema pintor sira no ema sira ne’ebé kriativu.

Lee Mós:
Feira Livru iha Ataúru, Movimentu Letras Promove Literasia Kualidade

“Tanba ne’e SENE ART produs ona ninia obra sira hamutuk besik 50, husi 50 ne’e iha de’it rai laran hanesan Manututu, Ermera, Maliana, Dili, RAEOA no Lospalos,” Calisto dehan.

Nia aumenta, obra primeru mak iha Na’in Feto Ai-tara lokalizadu iha munisípiu Manututu, posto administrativu Soibada, segundu obra mak Maliana, terseiru nian mak Ermera ne’ebé foin daudauk ema hotu-hotu akompaña iha média sosiál ema estraga ne’e no obra kuartu nian mak Dili iha Manleuana.

SENE ART agora iha ema na’in-17 Timoroan hotu, kompostu husi mane na’in-14 ida husi Ermera seluk husi RAEOA no feto na’in-3 RAEOA hotu.

 1,174 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “SENE ART Kontente Partisipa iha Eventu Festival…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: