ADVERTISEMENT

Feira Livru iha Ataúru, Movimentu Letras Promove Literasia Kualidade

Mario da Costa - Atauro
Reportajen : Mariano Abi
Editor : Mario da Costa
  • Share
Prezidente Repúblika, José Ramos Horta, Konversa ho Jerente Movimentu Letras, iha Feira Atauru, Tersa (22/11), Imajen TP/Mariano Abi

ATAÚRU (timorpost.com) — Festival Múzika no Kultura Ataúro hanesan eventu Kulturál ne‘ebé sei fó motivasaun ba foin-sa’e Timoroan sira hotu, liuliu atu hasa’e joven sira-nia koñesimentu no bele fó tan estimulasaun ba sira-nia kriatividade.

Tanba ne’e, iha eventu Feira do Livru hafoin halo Abertura, Prezidente Repúblika, José Ramos Horta, hala’o vizita ba kada grupu hodi rona sira-nia hanoin, husi ne’e Xefe Estadu konsege konversa ho Movimentu Letras (ML).

ADVERTISEMENT
SCROLL FILA BA NOTISIA

“Ida daudaun ha’u tuur ne’e, ha’u liu mai haree Joven sira tuur iha ne’e no ha’u loke sira-nia surat oan ne’e, sira Grupu ida husi estudante diretu UNTL, ne’ebé sira halo inisiativa movimentu ida, hodi kria funan kultura iha ámbitu ne’e, hodi ema lee sira nian,” Xefe Estadu dehan, bainhira konversa ho ML iha Suku Maumeta Villa, Tersa (22/11).

Nia dehan, iha Timor, Joven, labarik sira mezmu boot sira la lee. Rai barak iha mundu mós nune’e, nasaun barak la lee.

Lee Mós:
MS Lansa Livru Polítika Nasionál Planeamentu Família

“Ne’e duni sira-nia inisiativa ne’e, primeira-vés ha’u rona di’ak ne’ebé mai husi Joven sira ne’ebé sei preokupa iha leitura, ne’e di’ak tebes-tebes,” nia hateten.

Nia hatutan, “Ha’u konvida ona sira husi grupu ne’e ho naran movimentu leitura ba transformasaun sosiál ou Movimentu Letras, portantu sé mak hakarak bele kontaktu sira, sira halo beibeik iha Jardín 5 de Maiu,” PR Horta dehan.

Iha fatin hanesan, Jerente Programa ML, Costantino de Jesus, hatete hafoin konversa ho Xefe Estadu hatete grupu mai iha ne’e husi Movimentu Letras, sira partisipa iha Feira ne’e tanba hetan konvite husi Gabinete Prezidente Repúblika iha parte edukasaun nian para ML bele partisipa iha Feira do Livru ida ne’e.

“Nune’e ita hatene katak, Prezidente Repúblika nia iha vontade no iha vizaun ida katak, tenke promove literasia iha Timor-Leste ho ida ne’ebé kualidade literasia mais elevadu,” nia dehan.

Lee Mós:
Vizita Ataúru Problema Dahuluk Mak Bee Moos

Entaun Xefe Estadu iha semináriu ruma ka diálogu ruma sempre dehan, Livru mak Janela do Mundu, nune’e PR Horta ninia prezensa iha Movimentu Letras ida ne’e, halo konversa ho sira no ko’alia kona-ba importánsia lee leitura nian.

“Sente katak, husi konversa ne’ebé ami halo ho Prezidente katak, bele moris liu tan ami-nia Movimentu Letras no mós sosiedade tomak atu bele hamutuk hodi promove leitura iha sosiedade,” nia aumenta.

Tanba ne’e sente feliz bele konversa direta ho Prezidente Repúblika, hodi rona mós ninia hanoin kona-ba ezisténsia husi Movimentu Letras no mós oinsá maka moris Movimentu Letras no sosiedade tomak, hodi nune’e bele kontribui literasia ba iha Timor-Leste ida ne’e.

“Ami eziste kuaze dezde 2018, ita eziste ho hanoin ida ou lema ida katak, ita lee, ita hatene no ita muda. Entaun husi lema ida ne’e atu promove leitura, husi leitura ne’e mak ita bele hatene buat ida, kuandu ita hatene ita tenke muda,” nia akresenta.

Lee Mós:
SENE ART Kontente Partisipa iha Eventu Festival Ataúru

Nia subliña, tanba ne’e Letras ne’e akronimu husi leitura ba transformasaun sosiál.

Kona-ba livru ne’ebé Movimentu Letras lori mai iha ne’e, tanba espasu ladún sufisiente ba sira-nia livru, entaun livru barak ne’ebé Movimentu Letras lori ho kategoria Sosiolojia, Filozofia, Literatura, isória no mós Literatura ba Labarik sira.

“Maibé tanba espasu la sufisiente, nune’e mak ami hasai de’it livru Literatura balu, Sosiolojia no siénsia sosiáis ho balu de’it mak iha ne’e, tanba espasu mak ladún adekuadu,” nia hakotu.

 989 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Feira Livru iha Ataúru, Movimentu Letras Promov…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: