ADVERTISEMENT

Joven Na’in-2 Lakon iha Ramelau, Isin Mate Iha Ona HNGV

Mario da Costa - Ainaro · Dili · Raeoa
Jornalista : Editór Mário da Costa
  • Share
Riando Falo ho Orlando Martins, nia isin mate rai hela iha Hospital Nasional Guido Valadares, imajen Esp.

Díli (timorpost.com) – Juventude Na’in-2 hosi Rejiaun Administrativu Espesiál Oe-kusse Ambenu (RAEOA), nia isin mate rai ona iha Hospital Nasionál Guido Valadares (HNGV).

Joven Na’in-2 ne’ebé mate bainhira halo peregrinasaun ba foho Ramelau, ne’ebé lokaliza iha Munisípiu Ainaru, ne’e mak Riando Falo no Orlando Martins.

ADVERTISEMENT
SCROLL FILA BA NOTISIA


Tuir Informasaun ne’ebé Timor Post, asesu iha terrenu katak mate isin hosi joven-2, halo ona Autópsia no aban sei lori ba Oe-Kusse liuhosi área marítima.

Lee Mós :
MKI Vizita Grupu Kafé Família Iha Manufahi

Portantu matebian nain-2 halo viajen ba Ramelau iha loron 8 Fulan Fevereiru 2023 no ekipa konjunta kompostu hosi Komandu Polisia Munisípiu Ainaru, Bombeirus, Autoridade lokal, juventude no família sira hetan hikas Riando Falo iha loron (14/02/2023), no Orlando Martins hetan iha loron (16/02/2023).

Antes ne’e, Xefe Departamentu Forensik iha Hospital Nasionál Guido Valadares (HNGV), Nilton Tilman, informa ekipa Forensik finaliza ona prosesu autópsia ba mate-isin, Riando Falo, aban Sesta (17/02) entrega ba família hodi halo serimónia funebre.

Lee Mós :
Orsamentu Retifikativu Pasa Iha Finál Global PN

“Iha Tersa (15/02), ekipa forensik simu mate-isin Riando Falo, atu autópsia hafoin família konkorda no prosedimentu prosesu autópsia mós hala’o”, nia informa ba Timor Post, Kinta (16/02/2023).

Nia haktuir, Prosesu autópsia hala’o ona remata horisehik lokraik, parese aban Sesta (17/02) entrega ba família hodi lori ba haloot tuir lisan Oe-Kusi nian.

Daudaun ne’e mate isin sei rai hela iha mortuáriu, enkuantu ida seluk ne’ebé foin hetan, sei iha prosesu tuir mai.

Lee Mós :
Profesór Sira Vasina Hotu, Eskola Reativa

“Kona-ba rezultadu autópsia ne’e oinsá, relatóriu ita sei entrega ba Ministériu Públiku, no MP de’it mak bele hatene, tanba ne’e sira-nia kompeténsia”, nia hateten.

 3,253 total views,  9 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Joven Na’in-2 Lakon iha Ramelau, Isin Mate Iha …” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No