DILI (Timor Post)—Ema deskoñesidu so’e bebe feto ida iha área Loktein, Aldeia Ernaro, Suku Manelobas, Postu Administrativu Maubisse, Munisípiu Ainaro. Komunidade sira hetan bebe ne’e iha rai koak badak ida ho kondisaun mate.
Xefe Suku Manelobas, Domingos de Andrade ba Timor Post, Kinta (12/08/2021) haktuir, komunidade iha área Loktein atu ba kú kafé maka hetan bebe ne’e no ba fó hatene kedas ba autoridade, veteranu sira no halo kontaktu ho polísia tún ba halo investigasaun.
Domigos dehan, polísia ba foti ona dadus no lori ona feto foinsa’e na’in-rua ba halo investigasaun iha komando polísia Maubisse.
Inkuantu komunidade hamutuk ho autoridade sira haloot tiha ona matebian no hein prosesu investigasaun ba aktu krime ida ne’e. (cao)
679 total views, 3 views today
Bele hare Video Seluk :
Subscribe to Timorpost
