(Reportajen Marcos Fernandes/Editor Mateus da Cruz)
DILI (Timor Post)—Udan iha kinta no sesta ne’e, halo rai monu taka tiha estrada iha kruzamentu Remexio liga ba Suku Asu-mau, Tulataque no Faturasa, Probelema ne’e difikulta Sekretariadu Tékniku Administrasaun Eleitorál Munisípiu Aileu transporta bulletin Votu ba Suku tolu ne’e.
“Udan durante loron hirak tuir-tuir malu halo rai monu iha kruzamentu Remexio tama mai iha parte Lerolisa Kero Lolon nian estrada atu ba Suku Asu-mau, Tulataque no Faturasa, postu administrativu Remexio rai monu taka tomak tiha estrada no karreta no motor labele liu,” dehan, Xefe Seksaun Administrasaun Postu Remexio Camilho da Costa, Via telefone, Sesta (18/03).
Nune’e nia hato’o problema ne’e iha Diretór Obra Públiku Munisípiu Aileu nian no Administradór Munisípiu Aileu urjentemente haruka kompañia balu mai hadi’a ona estrada ne’e.
Camilho informa tan, rai monu la’ós de’it fatin ida de’it, maibé estrada ligasaun suku Asu mau ba suku Tulataque no Faturasa mós udan hanesan ne’e estrada aat hotu, ne’ebé karreta ne’ebé di’ak maka bele ba, karreta ne’ebé la forsa di’ak liu labele ba.(Lee notísia seluk iha jornál Timor Post/asesu You Tube timor post)
1,107 total views, 12 views today
