MTK Sei Asina Akordu Servisu Aéreu ho Nova Zelándia

by -173 views
Reuniaun Konsellu Ministru

(Reportajen Jaime Pires/Editor Mateus da Cruz)

DILI (Timor Post)- Governu liuhusi desizaun Konselleiru Ministru fó podér ba Ministru Transporte no Komunikasaun (MTK), José Agostinho da Silva, hodi asina akordu servisu Aéreo entre Repúblika Demokrátika Timor-Leste ho Nova Zelándia.

“Konsellu Ministru delibera hodi fó podér tomak ba Ministru Transporte no Komunikasaun, José Agostinho da Silva, hodi asina akordu Servisu Aéreu entre Repúblika Demokrátika Timor-Leste no Nova Zelándia,” dehan Ministru Prezidensiál Konsellu Ministru, Fidelis Magalhães iha Palásiu Governu, Sesta (13/05).

Nia esplika, akordu ne’e buka atu promove sistema aviasaun internasionál bazeia ba konkorrénsia entre kompañia aérea iha merkadu no enkoraja kompañia aérea sira hodi dezenvolve no implementa servisu inovadór no kompetitivu sira, ho objetivu atu hadi’a komérsiu, konsumidór no krexementu nia moris di’ak.

“Akordu ne’e mós atu asegura grau seguransa ne’ebé boot liu iha transporte Aéreu internasionál no afirma filafali preokupasaun ho atu sira ka ameasa sira hasoru seguransa aeronavel nian, ne’ebé bele tau ba seguransa ema ka sasán nian,” deklara.

Nia aumenta, hodi afeta ho negativu funsionamentu transporte aéreu no provoka deskonfiansa públiku ne’ebé iha relasaun ho seguransa aviasaun sivíl nian nune’e akordu ne’e tenke hetan ratifikasaun husi Parlamentu Nasionál.(Lee Notísia Seluk Iha Jornál Timor Post/Asesu You Tube Timor Post)

No More Posts Available.

No more pages to load.