MTK-MD-Enkaregadu Embaixada Amerika Hala’o Vizita Traballu ba Aeroportu Komoro

by -327 views
Ministru Transporte Komunikasaun (MTK), José Agostinho da Silva, Ministru Defeza (MD), Filomeno Paixão de Jesus, no Enkaregadu Negósiu Embaixada Amérika iha Timor Leste, Tom Daley, vizita Aeroportu Internasionál Prezidente Nicolao Lobato Komoro. Imajen TP/Cesário Sousa

(Reportajen Cesario Sousa/Estaziadu Mariano Abi/Asistente Editor Hermenegildo da Costa Tilman)

DILI— Ministru Transporte Komunikasaun (MTK), José Agostinho da Silva, Ministru Defeza (MD), Filomeno Paixão de Jesus, no Enkaregadu Negósiu Embaixada Amérika iha Timor Leste, Tom Daley, ohin, hala’o vizita ba Aeroportu Komoro, hodi haree kona-ba preparasaun ba konstrusaun Aeroportu internasionál Nicolau Lobato.

Iha vizita traballu, ne’e hodi haree mós tore ne’ebé ANA-TL uza hodi komunikasaun ho aviaun. Hotu kontinua mós ba Aeroportu liuliu fatin administrasaun ka atendimentu billete inklui checking nian.

Alende ne’e vizita mós ba fatin bombeiru Aeroportu nian hodi haree mós ba fasilita kombate inséndiu sira. Hotu iha ne’ebé kontinua mós ba Komponente Aero nian hodi haree mós kondisaun sira ne’ebá.

“Iha problema power eletrisidade, ekipamentu kontrola sukuru nian, rekursu umanu, buat barak ne’ebé sira ohin hato’o, maizumenus parte ba ne’ebé hetan atensaun husi Embaixadór enkarregadu EUA ne’e,” hateten Ministru Transporte Komunikasaun (MTK), José Agostinho da Silva, ba jornalista sira iha Aeroportu internasionál Prezidente Nicolao Lobato Komoro, Segunda (11/04).

Nia hatete, preparasaun ba konstrusaun Aeroportu internasionál Nicolao Lobato daudaun ne’e la’o hela ne’ebé atende husi ekipa konjuntu entre liña ministériu husi VIII governu nian.

Nia hatete, oras ne’e daudaun pista iha de’it 1.8, 50 kilometru ne’ebé labele akomoda aviaun bo’ot. Entaun tenke extende ida ne’e primeira faze ba 2.1 km depois aumenta tan 400 metru ba tasi, konklui 2.5 kilometru bele akomoda aviaun boot ba futuru a bele finaliza ho 3km.

Nune’e nia espera konstrusaun Aeroportu ne’e sei la’o tuir padraun internasionál,

Tanba ne’e, preokupasaun sira ne’e sei aliña ho planu konstrusaun Aeroportu nia ne’e iha futuru. Nune’e Embaixadór EUA iha Timor Leste mós rona direita husi tékniku sira.

Nia dehan, ba futuru Ministériu Transporte Komunikasaun (MTK), liuliu Autoridade Aviaun Sivíl Timor Leste (AACTL) no mós Autoridade Nasionál Aviasaun Timor Leste (ANA-TL) nune’e bele servisu kooperasaun di’ak liu tan ho komponente Aérea.

“Vizita ida ne’e nu’udar kontinuasaun husi loron hirak liu ba, iha dia 7 Abríl ami hand over husi Aeroportu Baukau servisu sira ne’ebé maka ita nia estadu unidu Amérika halo servisu hanesan get house no lutu hadulas aeroportu,” nia esplika.

Nune’e mós Enkarregadu Negósiu Embaixada EUA iha Timor Leste mós haree rasik situasaun real ne’ebé Aeroportu internasionál Prezidente Nicolao Lobato Komoro enfrenta.

Iha fatin hanesan, Ministru Defeza,(MD), Filomeno Paixão de Jesus, hatete vizita ne’e atu haree mós ba komponente Aero nia preokupasaun liuliu atu hakiak komponente ne’e sai boot liu tan iha futuru.

“Kona ba ohin mai vizita ne’e ami para halo ideia ida, atu Aeroportu ne’e funsiona halo di’ak, ne’e mak ohin ba too iha hahú kedas iha fatin kontrola aviaun nian, tama sai Aeroportu nian, bombeiru nian, agora mai fali angár ne’e,” hateten Ministru.

Daudaun ne’e Estadu Unidu Amérika prontu atu apoiu Timor Leste liuliu ba komponente Aero, espera final tinan ne’e, Timor Leste bele hetan aviaun surveillances ida husi EUA.

“Antes ne’e ita nia pilotu sira ho mekániku sira ba halo estudu iha illa de Jode, para bele haruka ema sira ba treinu, nune’e sira sei fó ajuda barak ba ita,” esplika nia.

Nune’e mós Enkarregadu negósiu Embaixada EUA, Tom Daley, hateten sei haree ba oin oinsá mak bele serbisu hamutuk ho governu Timor-Leste atu hare saida mak EUA bele ajuda tuir saida mak Aeroportu ne presiza.

“Ha’u kontente tebes hodi mai vizita aeroportu internasionál Nicolau Lobato hodi hare Tore Kontrolu, Estasaun Bombeiru no mós fasilidade aeroportu nian,” hatene nia

“Ha’u kompriende katak prosesu ba konstrusaun nee agora daudaun la’o hela no ami la bele halo buat ruma ne’ebé mak bele interfere ba prosesu rekonstrusaun refere,” nia hatutan.

Ikus liu, Apresia ho setór privadu sira ne’ebé iha inisiativa atu investe iha setór agrikultura maski neineik maibé beibeik sei boot liu tan. Setór privadu mak sai hanesan fuan ba dezenvolvimentu nasaun ida nian, tanba nee, laiha setór privadu nasaun sei la forte no povu sei hamlaha.

Kona ba orsamentu mai husi Governu nian iha 30 Millaun USD, no hetan mós apoiu husi Governu japaun besik 42 Millaun USD, no iha mós apoiu husi Governu Australia maibe sei iha hela prosesu nia laran. (Lee Notisia Seluk Iha Jornal Timor Post/ Asesu You Tube Timor Post)

No More Posts Available.

No more pages to load.