MSSI Asina Akordu Kooperasaun ho Instituisaun 29

by -291 views
Ministra Solidariedade Sosiál no Inkluzaun (MSSI), Armanda Berta asina akordu ho instituisaun sira, iha Edifisiu MSSI, Kaikoli, Kinta, (12/5).

(Reportajen Estaziadu Cardenio Alves/Editor Mateus da Cruz)

DILI (Timor Post)- Ministériu Solidariedade Sosiál no Inkluzaun (MSSI), ohin, asina akordu ho Instituisaun 29 hodi hala’o atividade atendementu sosiál ba komunidade kbiit laek sira.

“Ita halo akordu kooperasaun entre instituisaun sira, kada tinan ministériu sempre halo programa sira hanesan ne’e hamutuk ho instituisaun solidariedade sosiál hamutuk ruanulu resin sia (29)”, hatete Ministra Solidariedade Sosiál no Inkluzaun (MSSI), Armanda Berta, iha Edifísiu MSSI, Kaikoli, Kinta, (12/05).

Nia hatete, Orsamentu ne’ebé prevee iha tinan ne’e kuaze dolar Millaun 1 USD, hodi apoiu ba instituisaun solidariedade sira hotu hanesan Uma mahon sira.

“Prosesu ba kooperasaun MSSI ho Instituisaun solidariedade sira nian la’o kleur ona no garante katak sira nia servisu durante to’o mai ohin loron La’o ho estavel, tanba Ita haree governu mesak sei la halo buat Ida, maibé konta mós ho parseiru instituisaun sira ne’ebé fó solidariedade ba ita nia komunidade liu-liu kbiit laek Sira,” nia dehan.

Kooperasaun Ida ne’e ho modelu ne’ebé mai ho kualifikasaun di’ak, tanba kada instituisaun ne’ebé fó solidariedade sempre iha nia responsabilidade hodi halo ajendamentu ba públiku ho dignu. Ministériu iha responsabilidade hodi halo kontabilidade ba orsamentu ne’ebé fó ba instituisaun sira.

“Ha’u fiar katak iha futuru liu husi liña kooperasaun Ida nee, sei halo atendementu ne’ebé di’ak, ba sidadaun sira ne’ebé maka presiza”, nia rekomenda.

Alende ne’e, Diretór DOS Santa Terejina Quelicai, Pe. Adearianto A. A. Agorado, agradese ba Ministériu Solidariedade Sosiál no inkluzaun, tanba kada tinan sempre apoiu instituisaun sira hodi hala’o servisu.

“Tinan 2022 Ida nee Ami hasoru difikuldade boot, tanba hetan redusaun ba orsamentu aprovadu kuaze 30%”, nia dehan.

Orsamentu ne’ebé ministériu aprova iha tinan Ida nee kiik millaun 32,944 Mai instituisaun solidariedade sira, kompara ho tinan kotuk hetan dolar millaun 46, tanba difikuldade orsamentu ne’eé nasaun Timor Leste enfrenta iha tinan Ida nee.

Maski orsamentu ba tinan Ida nee Kiik maibé fiar katak kesatun ba orsamentu sei sustenta sarani Sira hotu, liu-liu sarani Timor oan Sira no mos sarani Qelicai tomak. Nia hakotu

No More Posts Available.

No more pages to load.