Governu Sedauk  Selu Otel hamutuk 14

husi -70 views

Timor Post (28/07/2020)- Ministra Saúde Odete Belo hatete, sira halo ona pagamentu balun ba Hotel sira ne’ebé mak durante uza ba halo kuarentena no balun seidauk selu.

“Ita iha projetu 26 ba catering nian ita halo ona pagamentu ba kompañia 16. Hotel hamutuk 25 ita kontratu ho sira ita  halo ona pagamentu ba 11 hotel no seluk seidauk”, informa Ministra ba deputadu sira iha  Uma Fukun Parlamentu Nasionál, tersa (28/07).

Ministra adianta, kona-subsídiu ba médiku sira durante estadu emerjénsia covid-19 ne’e pagamentu halo hotu ona, maibé iha fali protestu tanba balun simu barak liu no balun la to’o, maibé sira halo ona enkontru ida hodi deside husu ba diretór relevante sira hodi prepara lista, karik iha naran ne’ebé mak selu laloos ou koloka sira la tuir kritériu.

Enkuantu orsamentu ne’ebé aloka ba Ministériu Saúde ba surtu covid-19 ho montante $37.633,055,09, inklui ho bens de servisu $21.294.050.(Jornalista: Jaime Pires)