MS Nomeio Doutor Alito Soares Ba Diretór Ezekutivu HNGV

by -34 views
Hospital Nasional Guidu Valadares (HNGV). (Foto TP?Olga Soares)

(Reportájen Olga Soares)

DILI (Timor Post) – Ministériu Saúde (MS), ofisiálmente fó pose ba Doutor Espesialista Sirurjia Jerál HNGV, Alito Soares ba Diretór Ezekutivu Hospital Nasionál Guidu Valadares (HNGV) ho mandatu tinan tolu.

Enkuantu Doutor Espesialista Sirurjia Jerál HNGV, troka hikas Diretór Ezekutivu sesante Aniceto Cardoso Barrto.

Hafoin simu pose, Doutór Sirurjia Jerál HNGV hanesan Diretór Ezekutivu HNGV, ofisiálmente simu mós sertifikadu no lembransa hosi Diretór Ezekutivu sesante HNGV.

Iha diskursu Diretór Ezekutivu sesante, Aniceto Cardoso Barreto, hateten hahu no termina iha mandatu ida, iha organizasaun ne’ebé de’it sai kultura normal no natural. No ambiente prosesu hosi hahú to’o termina mandatu, ida ne’e importante tanba dezenvolvimentu tenke la’o iha ne’ebé de’it.

“Ha’u nia mandatu termina iha loron 03 fulan Abríl, sura hosi loron simu pose, no karta notifikasaun ha’u nian ne’ebé sai iha loron 22 fulan jullu no tomada de pose hahú ohin loron,” Diretór Ezekutivu sesante Aniceto Aniceto husi nia diskurs, iha HNGV, Segunda (26/07).

Nia konta iha matenek nain ida koa’lia katak organizasaun ida sei labele la’o ba oin kuandu laiha mudansa. Matenek nain ne’e hateten mós laiha mudansa de’it iha estrutura maibé mudansa tenke mai mós ho idea no pensamentu foun atu nune’e bele dezenvolve organizasaun ka instituisaun ne’ebé mak ema ne’e lidera ba nune’e bele halo ho atinje mehi mehi instituisaun nian.

Tanba ne’e ho inovasaun foun mudansa estratéjiku kreativu ida ne’ebé tenke mai nakonu ho pensamentu foun ne’ebé bele aplika iha asaun konkista nune’e bele atinje mehi hodi kontinua dezenvolve.

“Idea inovativu ne’ebé ita realiza depende ba situasaun no kondisaun ne’ebé mak iha. Tanba ne’e Konsellu directive ne’ebé ha’u lidera periodu tinan tolu fulan 4 ho situasaun mudansa Governativa dala tolu, hosi Doutor Rui Maria de Araújo, Ministru Saúde, mai ministra Elia interina ba Ministra saúde no ita nia Ministra agora,” Aniceto Esklarese.

Situasaun hirak ne’e la fasil atu ultra pasa, maibé la’o no realiza too ohin loron, laiha mudansa barak mak Konsellu Alanterior halo karik iha di’ak ruma karik ema hotu bele anota.

“Tanba espelu ne’e ita rasik bele fihir an, maibé espelu ba aktu sira, atinjementu sira mai husi parte seluk, bele mai hosi komunidade, parseriu sira no ema hotu ne’ebé iha ita nia sorin,” Sesante ne’e subliña.

Tanba ne’e Konsellu ne’ebé termina ona ninia mandatu la halo buat barak maibé buat balun mak atinje ona.

“Konsellu Anterior iha programa boot tolu, programa boa governasaun, Konsellu indentifika iha problema 21 no Konsellu foun mai ne’e tenke tau prioridade ida ne’ebé mak atu bele buka solusaun, ne’e nudar kontinuasaun,” Nia rekomenda.

Nia konta, Konsellu Anterior indentifika iha problema 10, no iha 3 mak bele atinje no hirak seluk ne’e kontinua ba programa tinan 2022 no 2023.

Enkuantu programa servisu sekundaria no tersiaria mós laiha mudansa barak maibé Konsellu halo buat lubuk ida pelumenus redús transferensia pasiente fase ran ba rai liur, iha problema hamutuk 12, iha problema lima mak Konsellu bele rezolve no 7 seluk sei hela ba Konsellu foun.

Diretór Ezekutivu Atual HNGV, Doutor Sirurjia Jerál HNGV, Alito Soares, hateten ho fiar ne’ebé nia rasik simu , nia sei kontinua planu ne’ebé Konsellu Anterior planu hela ba planu konstrusaun ne’ebé temi ona liuliu limitasaun sira hanesan sala baixa, sala Internamentu, no fatin kritiku sira ne’ebé sai problema seriu.

“Klaru planu hirak ne’e sei labele halo dala ida, no its sei halo etapa ba etapa, ha’u ho ha’u nia Konsellu karik labele halo servisu mesak maibé sei hetan apoiu husi familía boot HNGV no nain ulun sira ,” Nia promete.

Enkuantu serimonia tomada de pose ne’e diretamente fó hosi Ministra saúde Odete Maria Freitas Belo, iha Hospital Nasionál Guidu Valadares (HNGV). (Lee notísia seluk iha Jornál Timor Post)

No More Posts Available.

No more pages to load.