MPM-Empreza Santos Asina Ona Akordu Atu Transforma Kampu no Fasilidade Iha Bayu Undang

by -259 views
Ministru Petroliu no Minerais, Victor da Conceição Soares

(Reportajen Estaziadu Mariano Abi/Asistente Editor Hermenegildo da Costa Tilman)

Dili (Timor Post) –Ministériu Petróleu no Minerais (MPM), iha fulan Marsu asina ona akordu ho Empreza Santos, atu Transforma Kampu no Fasilidade iha Bayu Undang ba projetu kapturasaun no armazenamentu ba dioxida de carbono (Carbon Capture and Storage CCS), iha futuru wainhira produsaun Bayu Undan remata ona operasaun.

” Objetivu prinsipal maka atu kontinua aproveita kampu Bayu Undan, hodi fornese reseitas seluk ba Estadu Timor Leste tanba, Timor Leste nu’udar produtór ba rekursu idrokarbonetu, Ministru Petroliu no Minerais, Victor da Conceição Soares, hatete, ba jornalista sira iha Salaun PCM, Palasiu Governu,

Nia hatete, Timor Leste iha devér atu kontribui ba mitigasaun ou redusaun emisaun CO2 ba atmosfera, impaktu alterasaun klimátika ne’e ita nia devér ida, nune’e Timor Leste mós ratifika ona konvensaun Paris, nune’e ita iha devér atu kontribui ba kompromisu Global ba Net Zero Carbono iha tinan 2050,

“Buat ne’ebé Petróleu Minerais tenke redús mak emisaun de karbonu, atu nune’e ita sei la hetan sansaun no penalize iha futuru, no kuandu penaliza ita hapara ita produsaun ou ita ninia mina, nia impaktu ema sei la sosa ita nia produtu sira ne’e”

Ministériu Petróleu no Minerais iha programa prioridade maka, desizaun investimentu final, sei halo iha tempu badak, bainhira iha arranju destakamentu ou arranju seluk iha kampu Bayu Undang, no ita mós komesa ona promove hasa’e esplorasaun petrolíferu iha rai laran atu bele hetan kampu foun hodi substitui kampu Bayu Undan ne’ebe nian produsaun atu besik remata iha tina 2022. Nia dehan

Nune’e Perfurasaun husi kompañia Timor Resource iha bloku Suai nian, ha’u hanoin hotu-hotu hatene, primeira vés iha istória Timor Leste, no kompañia ida iha kompromisu atu halo perfurasaun posu tolu iha Suai ne’ebá, nia hateten

“ Hanesan ita hotu hatene, posu Feto kmaus, posu Liurai, no posu Lafaek, iha mós iha bloku ida iha Betanu, Ainaru maka posu Rusa, no  kompañia Timor Resource agora daudauk fura ona posu rua iha Suai, ba posu Feto Kmaus sei suspende hodi hein rezultadu estudu avaliasaun hodi halo desizaun tuir mai,” nia informa.

Ba segundu posu Liurai iha ona deskobrimentu katak, iha ona deskobrimentu husi kompañia Timor Resource, Agora hein hela ekipamentu atu bele halo teste, tuir sei bolu fonte hodi deside posu ninia kuantidade no mós ikus mai bele hatene ninia komersiál idade. (Lee Notísia Seluk Iha Jornal Timor Post/ Asesu You Tube Timor Post).

No More Posts Available.

No more pages to load.