MNEK Husu Konsellu Ministru Deside Fó Apoiu Millaun 1 USD ba Ukránia

by -373 views
Vice Ministru Negósiu Estranjeiru no Kooperasaun (V-MNEK), Julião da Silva. Imajen doc TP

(Reportajen Germandina Xavier/Asistente Editor Hermenegildo da Costa Tilman)

Dili (Timor Post)—Vice Ministru Negósiu Estranjeiru no Kooperasaun (V-MNEK), Julião da Silva, hatete, iha semana kotuk MNEK hatama ona pedidu urjente ida ba Primeiru Ministru, hodi husu ba Konsellu Ministru atu deside apoiu Millaun 1 USD ba povu Ukránia.

“Iha tempu badak ita husu Ministériu Finansas atu bele halo ona transferénsia osan millaun ida, liu hosi organizasaun internasionál W.Speed, hodi fó tulun ai-han emerjénsia ba povu Ukránia sira ne’ebé agora daudaun hetan invazaun hosi nasaun Rúsia,” nia dehan ba Jornalista sira iha Sede Partidu KHUNTO, Manleuana, Kinta (31/03).

Nia hatete, funu entre Ukránia ho Rúsia fó impaktu ba ekonomia global mundu kuaze paradu, inklui iha Timor Leste.

Governu kondena aktu ne’ebé viola direitu umanu nian, liu-liu hamate, inan, aman, katuas, ferik no labarik ki’ik sira iha Ukránia.

“Se karik iha votasaun iha Nasoins Unidas ne’ebá serteza Timor Leste vota kontra tanba aktu hosi atitude kriminál ne’ebé halo husi Rúsia nian ba povu Ukránia konta direitu umanu,” nia dehan. (Lee Notísia Seluk Iha Jornál Timor Post/Asesu You Tube Timor Post)

No More Posts Available.

No more pages to load.