MJSD husu Assanami Kandidata-an ba Prezidente Repúblika

by -432 views
Foto Espesial

Estajiáriu / Editór Noémio Falcão

DILI (Timor Post)Movimentu Juventude Sosiedade Demokrátiku (MJSD) husu ba Prezidente Partidu Demokrátiku (PD) Mariano Assanami Sabino atu kandidata-an ba Prezidente Repúblika periodu 2022-2027.

MJSD lansa pozisaun ne’e tanba Assanami hanesan jerasaun foun ne’ebé potensiál no durante ne’e observa hahú husi tinan 2017 to’o ohin loron lalaok órgaun estadu sira nia funsionamentu mihis ba bebeik no lakon nia identidade hodi salva guarda konstituisaun no garantia bens star povu nian.

Porta-voz MJSD, Eugenio dos Santos Menezes, iha Jardim 5 de Maio, Kuarta (22/09/2021) liuhusi konferénsia ba imprensa subliña, atu fo hikas konfiansa publiku nian no normaliza orgaun estadu tomak presiza figura resisténsia ne’ebé iha kapasidade polítika no iha pensamentu estadista hodi kaer metin prinsipiu ukun rasik-an no iha vizaun ne’ebé forte.

“Ami husu Sr. Mariano Assanami Sabino atu bele kandidata- an iha periodu 2023-2027, ami nia apoiu total ba ita bo’ot nia kandidatura, hodi bele fo esperansa ba povu nia espetativa, ami sei mobiliza forsa komponente hotu-hotu, fo vitória ba ita, vitoria mos ba Timor Leste.

Maske nune’e, Porta-voz dehan, nia parte tenta halo kontaktu direta ho Assanami hodi afirma sira nia hakarak tomak. (Lee notísia seluk iha Jornal Timor Post)

No More Posts Available.

No more pages to load.