Ministru Pedro: Timoroan ho Pursentu 36 Infrenta Seguransa Ai-han no Ma-nutrisaun

by -171 views

Timor Post (16/10/2020)-Ministru Agrikultira no Peska, Pedro dos Reis, haktuir, dadus ne’ebé iha hatudu timoroan ho pursentu 36 infrenta hela seguransa ai-han no ma-nutrisaun iha Timor-Leste.

Iha selebrasaun loron mundial ai-han ne’ebé hala’o iha salaun CCD Kaikoli Dili, Sesta (16/10/2020), Ministru Pedro subliña, atu halakon no hakotu hamlaha iha Timor-Leste estadu tenke investe maka’as no presiza esforsu koletivu hosi lina ministerial.

Nune’e nia hatutan, ejize abordazen multi sektoral atu serbisu hamutuk hodi hulan responsabilidade ida ne’e bele atinje dezenvolvimentu sustentavel ne’ebé estadu opta ona.

Ministru fiar katak ho adezaun Timor-Leste nian ne’e bele sai nu’udar pasu importante atu estadu asume responsabilidade hodi hatudu iha ninia politiku atu hanoin ma-nutrisaun no promove sidadaun ne’ebe moris saudavel. (Jornalista : Julio Salinas Soares)

No More Posts Available.

No more pages to load.