Ministru Miguel: Dili Lixu Bou To’o Tonelada 220 kada Loron

husi -51 views
Foto TP/Maria Lízia

Timor Post (10/03/2021)— Video viral oknum polisia haruka traballadór saneamentu atu lori lixu ba fakar basa-malu, dada atensaun Ministru Administrasaun Estatál (MAE), Miguel Pereira de Carvalho nian.

Ministru afirma katak aktu hosi oknum polisia nian hasoru ekipa saneamentu ne’e aktu ida ne’ebé la loos.

       “Loron ida iha munisípiu Dili ne’e tula (220) tonelada lixu hodi lori sai ba fakar. Kona-ba polisia baku ka taka dalan ba karreta lixu ne’e ha’u ladún hatene, maibé ida ne’e akontese duni ida ne’e aktu ida ne’ebé mak laloos, hotu-hotu tenke kumpre regra”, afirma Ministru bainhira hasoru malu ho jornalista iha Ministériu Finansas, kuarta (10/03)

       Iha munisípiu Dili Ministru hatutan karreta tula lixu trek ne’e, loron ida sai dala tolu hodi fo’er ba fakar  iha Tibar.

Nia subliña komesa horisehik loron dahuluk serka sanitáriu iha munisípiu Dili ekipa saneamentu ba fakar nafatin no ohin mós sira ba hatún iha Tibar, tanba Ministériu Interior autoriza.

          Iha vidio ne’e pesoál seguransa ida uza farda kompletu ho kilat, haruka servisu na’in ra’ut basa-malu iha estrada públiku.

Iha parte seluk bainhira konfirma kona bá ema taka dalan kada bairru ministru hateten ida ne’e mós la loss tanba governu la autoriza.

“Lae, ministériu la fó instrusaun ruma ba ema atu taka dalan iha Bairru no aldeia sira ne’e, ida ne’e laiha autorizasaun hosi Ministériu,” Miguel hatán ba konfirmasaun hosi jornalista.

Jornalista  : Jaime Pires

Editor        : Mariano Martins