Ministru Longuinhos fó Rajaun Seidauk Reativa Aula Prezensiál

by -2.525 views
Ministru Ensinu Superior Siénsia no Kultura (MSSK), Longinhos dos Santos

Jornalista Jaime Pires / Editór Noémio Falcão

DILI (Timor Post)—Ministru Ensinu Superior Siénsia no Kultura (MSSK), Longinhos dos Santos hatete, maske iha ona desizaun liberta Munisípiu Dili husi medida konfinamentu obrigatóriu, maibé nia parte seidauk bele autoriza aula prezensiál ba universidade públiku no privadu sira.

“Atu reativa fali atividade prezensial ba ensinu superior tantu públiku no privad, ita haruka ona karta ba Ministeriu Saúde atu husu nia rekomendasun, posibilidade ka la’e atu reativa fali atividade prezensial ne’e,” Ministru Longuinhos subliña ba Jornalista sira hafoin partisipa reuniaun Konsellu Ministru estraordináriu iha Palásiu Governu, Dili, Kinta (09/09/2021).

Entretantu Governu liuhusi reuniaun Konsellu Ministru hakotu tiha ona medida konfirnamentu obrigatóriu jerál ka bandu ema sai husi uma iha Dili, maibé mantein serka sanitária iha Munisípiu Baukau, Ermera, Kovalima, Manufahi no Dili.

Durante semana ida aplika konfinamentu obrigatóriu iha Dili, ho desizaun ne’e, populasaun iha kapitál nasaun ne’e livre hahú husi oras, tuku 23:59, loron 9 setembru 2021. No aplikasaun serka sanitária ba munisípiu haat to’o loron 22 setembru 2021. (Lee notísia seluk iha Jornal Timor Post)

No More Posts Available.

No more pages to load.