Ministru Longinhos Anunsia Planu ba Publikasaun Lista Estudante Foun ba UNTL

by -727 views

Timor Post (03/02/2021)-Ministru Ensinu Superior, Siénsia No Kultura (MESSK), Longinhos dos Santos, hatete, naran kandidatu estudante sira ne’ebé passa ba Universidade Nasionál Timor Lorosa’e (UNTL) sei taka sai iha inisiu Fulan Fevereiru ne’e.

“Ekipa korresaun agora aprezenta ona mai iha komisaun ensinu superior nia no komisaun mós aprezenta ona mai iha ministériu no iha tempu badak sei halo publikasaun. Nia data fiksu ha’u la fixa maibé iha inisiu fulan Fevereiru ne’e sei publika sai”, Ministru hatete iha Palasiu Governu, kuarta (03/02).

Nia adianta prosesu la’o hela no tenik katak iha tempu badak sei públika sai ba públiku.

Informasaun n refere antes ne’e Ministru fó sai estudante sira ne’ebé mak admitidu atu tama iha UNTL no Institutu Politéknika Betanu sira naran sei taka iha Fevereiru ne’e.

Jornalista            : Jaime Pires

Editor                    : Mariano Martins