Ministru Cárceres Tama hikas Servisu, “So Ke Foin Sente Mall Fila Deskansa Tiha”

by -118 views

DILI—Ministru Justisa Manuel Cárceres da Costa hahú tama hikas servisu iha loron Segunda (13/01/2020).

“Sim, ohin tama (servisu), so ke foin sente mall be (ministru) fila deskansa tia,” haktuir fonte Timor Post iha Gabinete Ministru Justisa, Tersa (14/01/2020).

Ministru Justisa aranka ba halo tratamentu saúde iha loron 2 fulan Janeiru 2020, i ba halo konsulta iha ospital iHeal Kuala Lumpur, Malázia.

Durante Ministru Cárceres ba hala’o tratamentu saúde, Sekretáriu Estadu Terras no Propriedade, Mário Ximenes mak interinu hela nu’udar Ministru Justisa.

Ministru Cárceres to’o hikas Dili, Timor-Leste iha loron 8 fulan Janeiru 2020.

Durante iha Malázia, família sira maka akompaña. No Embaixadora Timor Leste ba Malázia, Olandina Caeiro ho nia funsionariu mak ba hala’o vizita.

Tuir informasaun, Ministru Cárceres sofre moras kolestrol. (cao)

No More Posts Available.

No more pages to load.