Ministra Adaljiza La Liga Ezijénsia FRETILIN atu Ezonera Embaixadór Ilídio

by -156 views
East Timor Vice Foreign Minister Adaljiza AXR Magno waves as she arrives in the Philippine capital Manila, 29 July 2007, to attend the annual ASEAN ministerial meetings. Association of Southeast Asian Nations (ASEAN) ministers and their counterparts from key regional parters, including China, South Korea, Japan and the United States are scheduled to meet in Manila next week. AFP PHOTO/Jay DIRECTO (Photo credit should read JAY DIRECTO/AFP via Getty Images)

Timor Post (26/11/2020)—Ministra Negósiu Estranjeiru no Kooperasaun (MNEK), Adaljiza Magno hatete, Embaixadór Timor Leste ba Japaun, Ilídio Xomenes la viola regra ruma iha polémika kona-ba públikasaun ba atividade Líder Nasionál Kayrala Xanana Gusmão nian.

Ministra dehan, kona-ba Xanana nia partisipasaun iha konferénsia internasional via Zoom ba Tókyo-Japaun, nia simu informasaun husi Embaixador antes.

Ministra hatete, Embaixadór Ilídio halo promosaun liuhusi nia públikasaun imajen iha rede sosial ba líder nasionál ne’e la viola regra.

“Ida ne’e la viola, agora ha’u dehan sensebilidade polítika, nia reprejenta estadu, agora deputadu sira krítika ne’e iha direitu,” Ministra Adaljiza ba Jornalista sira hafoin reuniaun Konsellu Ministru, Kuarta (25/11/2020).

Nia hatutan, nu’udar embaixadór tenke laran luak simu krítika sira hotu.

Entretantu antes ne’e, Bankada FRETILIN iha Parlamentu Nasionál husu governu imediatamente ezonera Embaixadór Ilídio Ximenes tanba konsidera halo servisu hali’is liu ba partidu.

FRETILIN hato’o pozisaun ne’e hafoin haree Xanana nia partisipasaun no fó mensajen via zoom iha konferénsia internasionál Tokyo Parliamentary Peace Forum, ne’ebé organiza husi Parliamentary Committee of Diet of Japan and Japan Commission on Global Governance (JCGG) iha 18 Novembru 2020.

Maske nune’e, Embaixador Ilidio defende katak, durante ne’e nia hala’o kna’ar la ses husi interese estadu, povu no nasaun RDTL. (cao)

No More Posts Available.

No more pages to load.