Ministériu Finansas Haruka Fila Lista Liña Frente husi  PNTL

by -5.607 views
Vise-Ministru Interior, António Armindo

Jornalista Jaime Pires / Editór Noémio Falcão

DILI (Timor Post)—Ministeriu Finansas (MF) haruka fila lista liña frente husi Polísia Nasionál Timor-Leste (PNTL), tanba konsidera balun la hala’o servisu.

Vise-Ministru Interior, António Armindo rekoñese  falansu ne’e no promete sei hadi’a no haruka fila-fali ba Ministéru Finansas.

“Sim sira devolve fila duni tanba presiza kritériu no rekejitu balun ne’ebé mak ita presiza prenxe,” Governante ne’e subliña ba Jornalista sira, Kuarta (27/10/2021).

António dehan, finansas PNTL nian simu ona kontaktu no hala’o dadauk servisu.

“Ita espera iha semana oin bele halo pagamentu ona ba PNTL sira,” nia promete.

Maibé nia parte seidauk simu informasaun katak, Membru PNTL balun sei la hetan subsidiu liña frente tanba tuir regra ema sira ne’ebé mak lorloron halo asinatura halo servisu, ka sira ne’ebé mak hetan despaixu atu halo servisu.

“Kuaze PNTL hotu-hotu iha despaixu atu halo servisu, tanba iha fulan hirak nia laran ne’e Polísia hotu-hotu servisu durante 24 oras hotu, to’o sira ne’ebé mak servisu iha administrasaun sira ne’e mós ita fahe hotu no koloka hotu sira ba fatin pontu entrada sira ne’e inklui mós balun ba iha fronteira,” Vise Ministru defende.

Tanba ne’e, nia parte orientá ona Komandu Jerál PNTL atu halo justifikasaun hodi membru PNTL hotu-hotu bele hetan sira nia direitu ba servisu liña frente.

No More Posts Available.

No more pages to load.