Militante Tuda Malu, Na’in Rua Hetan Detein

by -740 views
Joven nain ida hetan tuda iha sede CNRT

(Reportajen Jaime Pires/Editora Suzana Cardoso)

DILI  (Timor Post) – Militante Kandidatura Francisco Guterres  Lu Olo, remata kampaña iha Tasi-Tolu kontinua halo marxa (pawai-Red) hadulas Dili laran, to’o iha Bairru Dos Grillos sede Partidu CNRT nian, sira tuda malu hodi rezulta na’in ida kanek iha parte ulun.

Tuir observasaun Timor Post iha Sede CNRT, Kuarta, (15/03/2022) kalan tuku 18:40 OTL katak, militante balun husi kandidatu Prezidente Francisco Guterres Lú Olo halo pawai gas motor iha estrada oin sede CNRT.  Derepente sira tuda malu ho komunidade hirak ne’ebe hamrik iha sede partidu CNRT.

“Sira husi FRETILIN ohin kampaña hotu halo pawai, tesik mai sira tuda  malu maka hakanek Maun Koordenador husi movimentu apoiu CNRT nia na’in ida nia ulun kanek,” esplika Seguransa sede CNRT ne’ebé mak lakohi temi nia naran ba Timor Post, iha Sede Partidu CNRT, Bairru Dos Grillos, Kuarta, (16/03).

Katak seguransa ne’e, akontesimentu ne’e akontese iha maizu menus tuku 18:40. Sira mai ho motor rua. Motor ida na’in ida maka sa’e. No ida seluk na’in rua maka sa’e. Iha motor lolon, sira kesi bandeira Fretilin. No sira moos hatais faru rekandidatura  Francisco Guterres Lu Olo. Sira provoka malu iha estrada ibun to’o rezultadu tuda malu.

Militante hirak ne’e, gas motor iha estrada oin hodi provoka malu. Derrepente fatuk halai ba no mai edifísiu CNRT hodi kona maun ne’e nia ulun.

“Sira militantes FRETILIN hirak ne’e ho motor rua no ema na’in tolu ho Bandeira FRETILIN. Maibé, agora sira nian tolu ne’e Polisia kaer ona.  Aleinde ne’e, Polisia moos prende hotu motor no moos bandeira FRETILIN ne’e.  Maun ne’ebé kanek, lori ona bá Vera-Kruz hodi halo tratamentu,” dehan seguransa ne’e.

To’o notísia ne’e hatun, Polisia Nasionál Timor-Leste detein ona autór na’in rua ne’ebe deskonfia involve iha akontesementu tuda malu iha sede CNRT ne’e. Polisia moos prende ona faru, bandeira no motor  ne’ebe uza durante  tempu kampanya hodi tuda malu iha edifisiu CNRT.(Lee Notísia Jornál Timor Post/ Asesu You Tube Timor Post)

No More Posts Available.

No more pages to load.