Milena Pires Hatudu Simplisidade Iha Sentru Votasaun

by -2.537 views
Kandidatu númeru sorteu 7, Milena Pires forma iha Sentru votasaun EP 05, Kampung Baru Dili, (19/03) hodi vota. (Foto Timor Post/Olga Soares)

(Reportájen Olga Soares/Editor Agostu Sarmento)

DILI (Timor Post) – Kandidatu númeru sorteu 7, Milena Pires, hafoin tuun hosi nia karreta privada hetan akompaña ho seguransa, hafoin kandidata ne’e hakat ain tama ba Sentru votasaun, maibé kandidata rasik deside tenke liuhosi formatura.

Iha nia formatura hateten hanesan kandidata ba Prezidente Repúblika, maibé bainhra too iha fatin hamutuk ho sidadaun sira seluk atu hato’o votu nu’udar sidadaun ida.

“Laloos, ba ha’u atu ba hamriik iha liña nia oin kedas, ha’u hanesan sidadaun baibain tenke respeita mós sidadaun seluk nia diretu, tan ne’e iha obrigasaun mós, tanba ha’u hatene sira barak hamrik ona iha formatura kleur ona”, Milena hato’o espresaun hirak ne’e ba jornalista iha formatura Sentru votasaun EP 05, Kampung Baru Dili, (19/03).

Lee Notisia Relevante: Horta Vota ona iha Metiaut No Deklara Prontu Simu Rezultadu

Kandidata ne’e husu ba ema hotu atu fó votu tuir idaidak nia konxiénsia, no tuir programa ne’ebé sira rona.

“Ha’u hanoin momentu ida ne’e istóriku ba distinu ita nia nasaun nian, ba nasaun ida ne’ebé inkluziva no kuantitativa justu liu, no ha’u hein katak Eleisaun ida ne’e bele la’o tuir nia dalan rasik, eleisaun justu transparent no pasífiku” sita Milena.

Lee notísia relevante: Lú Olo: “Vota Hametin Estadu Direitu Demokrátiku”

Tuir observasaun Timor Post, iha Sentru Votasaun refere nota katak, kandidatu Númeru 05, Rogerio Tiago Lobato, hafoin tun hosi karreta, hakat ain tama ba iha fatin votasaun entrega kartaun eleitorál ba ekipa tékniku sira hafoin ,foti bulletin votu, hakat ba Kabina laran hodi ezerse nia diretu.(Lee notísia seluk iha Joral Timor Post/Asesu You Tube)

No More Posts Available.

No more pages to load.