MI Husu Komandu Jerál Aprezenta Lista Membru PNTL

by -180 views
Vise-Ministru Interior, António Armindo

(Reportajen Jaime Pires/Asistente Editor Hermenegildo da Costa Tilman)

Dili (Timor Post)– Vise-Ministru Interior, António Armindo, husu ba Komandu Jerál Polísia Nasionál Timor-Leste (PNTL) atu aprezenta lista membru PNTL.

“Ha’u hanoin ne’e kestaun ida kuandu komandante jerál dehan rekursu limitadu ne’e ha’u hanoin razaun tanba ida ne’e mak semana hirak liubá ne’e ita hetan orientasaun verbal Primeiru Ministru nu’udar Ministru Interiór atu husu komandu halo netik aprezenta dadus bazeia ba ofisiais hira, sarjentu hira, ajente hira,” nia dehan iha Salaun Maubara Room Timor Plaza Komoro, Segunda (02/05).

Nia hatete, bainhira aprezenta tiha dadus hirak ne’e, nia parte sei haruka Ministru Interiór hodi halo Aprovasaun.

“Komandu mai halo aprezentasaun dala uluk ba ha’u ona, hanesan vise Ministru interiór ne’ebé ha’u hein hela segundu aprezentasaun, tanba dadus balun seidauk kompletu entaun ita haruka ba para sira halo kompleta tiha hodi mai aprezenta segundu, depois halo aprovasaun hotu mak ita foin haruka rezultadu ba iha Ministru Interiór hodi foti desizaun hodi halo rekrutamentu ka lae ,” nia haktuir.

Tuir nia, planu halo rekrutamentu ba membru PNTL ne’e pozitivu tebes tanba bele apoiu seguransa iha territóriu Timór laran tomak

“Maibé ha’u fiar katak sua exelénsia Primeiru Ministru hanesan Ministru interiór sei foti desizaun ida ne’ebé mak pozitivu tebes atu nune’e bele ajuda apoiu ita nia membru seguransa sira ne’ebé mak agora daudaun levanta loos kona ba limitasaun ne’ebé mak la to’o,” Nia hakotu. (Lee Notísia Seluk Iha Jornál Timor Post/Asesu You Tube Timor Post

No More Posts Available.

No more pages to load.