MF Seidauk iha Nesesidade Atu Halo Levantamentu ba OJE 2021

by -305 views

Timor Post (05/01/2021)- Ministru Finansas (MF), Rui Gomes hatete, seidauk iha nesesidade atu halo lavantamentu pedidu ba Banku Komérsiu Timor-Leste (BCTL) kona-ba Orsamentu Jerál Estadu (OJE) 2021, enkuantu OJE 2021 promulga ona hosi Presidente Repúblika Francisco Guterres Lu-Olo.

Rui Gomes aprofunda ba jornalista sira iha Palasiu Governu, Tersa (05/01)  seidauk halo levantamentu ne’e tanba razaun osan restu sei iha.

“Ministériu Finansas hanoin katak seidauk iha nesesidade atu halo pedidu tanba ita nia liquedes ‘osan restu’ sei iha”, katak eis Asesór Ekonomia iha Palasiu Prezidensiál.

“Osan liquedes ka osan restu ne’e sei iha montante $325 milloes, ne’ebé sei sufisente, tanba ne’e mak seidauk iha hanoin atu halo pedidu”, tenik tan.

Hodi hatutan, nia dehan karik osan liquedes ne’e tun ba $200 milloes maka foin halo pedidu ba Banku Sentrál.

 Nia adianta pedidu dahuluk atu husu ho montante $936,300 (Nove Centos Trinta e Seis Millão e trezentus mil dolarres).

Bainhira ajente infomativas sira konfirma sira kona bá, orsamentu labele halo levantamentu tanba osan laiha, maibé governante refere hatán nia laiha koñesimentu kona-ba ida ne’e no ida ne’e nunka akontese.

Antes ne’e mosu rumoris ona katak mezmu OJE promulga maibé sei susar atu halo levantamentu tanba kestaun polítika iha rai laran no pandemia global surtu corona virus (COVID-19).

Jornalista: Jaime Pires

Editor: Mariano Martins

No More Posts Available.

No more pages to load.