MF Aprezenta Planu Kalendariu OJE 2023 ba Konsellu Ministru

by -907 views
Ministru Prezidénsia Konsellu Ministru (MPKM), Fidelis Leite Magalhães

(Reportajen Mariano Abi/ Editor Mateus da Cruz)

Dili (Timor Post)- Ministru Prezidénsia Konsellu Ministru (MPKM), Fidelis Leite Magalhães, hatete, Konsellu Ministru rona no apresia aprezentasaun ida ne’ebe mak halo husi Ministru das Finansas (MF), kona ba kalendariu prepasaun Orsamentu Jeral Estadu ba tinan finanseiru 2023 nian.

Tuir kalendáriu ne’ebé aprezenta, kompostu hosi faze planeamentu nian sei hala o iha fulan marsu to’o loron 10 fulan Maiu tinan 2022, Semináriu Jornada Orsamentál sei hala’o to’o loron 30 fulan juñu, tuir mai no projetu proposta Lei OJE tinan 2023 nian sei halo apresiasaun husi Konsellu Ministru to’o loron 15 fulan Setembru no preve OJE sei aprezenta ba iha Parlamentu Nasional iha loron 1 fulan Outubru.

“Maske tinan ne’e foin hahu, maibe preparasaun orsamentu ne’e, ne’ebe mak di’ak tenke la’o durante tinan tomak, sei ita atu prepara ba tinan oin, tenke hahu husi inisiu tinan ne’e, hodi prepara dadaun ona to’o aprovasaun orsamentu tinan oin nian, ne’ebe maka preve iha ou debate hatama iha Parlamentu ne’ebe preve ba iha loron 1 fulan Outubru,” nia dehan ba jornalista sira iha Konsellu Ministru, kuarta (23/02).

Governante ne’e haktuir tan, iha kalendariu ida ne’e mos la’ós Governu inventa deit, maibé kalendariu ida ne’e bazeia ba iha lei orsamentu jestaun finanseiru foun ne’ebe maka promulga tiha ona, ne’e mak agora vigor hela, ho ida ne’e tuir lei orsamentu jestaun finanseiru ne’e, Governu tenke halo kalendarizasaun, faze ida-idak to’o submete proposta orsamentu ba iha Parlamentu Nasional. (Lee notisia seluk iha jornal Timor Post/asesu youtube Timor Post)

No More Posts Available.

No more pages to load.