Meta Malik Promete Haloot Mate Ruin

by -37 views
Júlio Sarmento da Costa alias Meta Malik

MANUFAHI (Timor Post) —Ministru ba Assuntu Kombatentes no Libertasaun Nasionàl (MKLN), Júlio Sarmento da Costa alias Meta Malik promote durante mandate haloot hotu mate ruin sira ne’ebé rekolla ona iha fatin-fatin.

“Iha ha’u nia kakutak, hakarak ka lakohi, ha’u nia tempu molok remata tenke hakoi hotu mate ruin sira,” Meta Malik subliña bainhira partisipa iha inaugurasaun Uma ne’ebé prepara husi Governu oferese ba Saudozu Agostinho Sarmento alias Mauinho nu’udar símbolu rekoñesimentu ba eroi sira nia luta ba libertasaun nasionál iha Same, Sesta (23/07).

Nia hatete, mate ruin iha teritóriu Timor laran tomak ne’ebé ke’e iha tinan 2008-2009 kuaze rihun 14, ne’e duni tenke haloot hotu molok mandatu remata.

“Ita halo dezenvolvimentu iha hela ruin no raan nia leten, agora daudaun ema hotu buka ninia maluk nia ruin la hetan inklui Same rasik mós buka maluk sira nia ruin la hetan,” dehan Júlio.

“Iha tinan 2021 ha’u nia ministériu hetan osan 104 millões atu hodi halo dezenvolvimentu ba ruin iha munisípiu Illiomar, Baukau Laga, Kelikai, Watulari, Same, Natarbora, Ermera, Maliana no Aileu no seluk-seluk maibé ho Covid-19 mai sai tiha impaktu boot ba iha dezenvolvimentu ida ne’e,” nia hatete.

Maibé foin loke prosesu tenderizasaun iha fulan-balun ba kotuk no tekníku halo ona survei ba kompañia sira perese semana oin mai anúnsia ona kompañia ne’ebé mak manan.

“Ha’u laiha interese ida maibé ha’u interese de’it ba konfiansa ne’ebé FRETILIN depozita mai ha’u, bainhira iha konfiansa ha’u tenke lori buat ne’ebé sira hakarak,” nia hakotu. (lcl)

 

No More Posts Available.

No more pages to load.