Membru Naval ida Mate no Na’in-5 Kanek iha Asidente Nunu Moge

by -1.848 views
Asidente ne'e hatudu membru ne'ebe mate iha asidente Nunu Moge. Foto Espesial

Jornalista Luis Casimiro Lopes / Editór Noémio Falcão

Ainaro (Timor Post)—Membru husi Komponente Naval-FALINTIL-Forsa Defeza Timor Leste (F-FDTL) feto ida mate hafoin evakuasaun no mane na’in-5 kanek todan no kma’an iha asidente ne’ebé akontese iha loron Tersa (24/08/2021), oras tuku-4 lorokraik iha Suku Nunu Moge, Postu Administrativu Hatubuiliko, Munisípiu Ainaro.

Komandante Polísia Nasionál Timor Leste (PNTL) Munisípiu Ainaro, Superintendente Justinho Menezes via telefone konfirma, membru hirak ne’e ho karreta husi Dili atu ba hala’o kna’ar iha Suai maka hetan asidente.

Komandante Justinho dehan, investigasaun ba asidente ne’e sei la’o hela maibé relatóriu provizóriu ne’ebé nia simu husi membru sira iha baze haktuir karreta ne’ebé membru sira uza nia travaun maka ladi’ak.

“Vitima sira seidauk bele konta tanba ho kondisaun trauma hela maibé dala ruma karreta ninia travaun mak la hán no ladun iha kontrolu nune’e hodi karreta halai tama tiha ba rai naruk,” Komandante Justinho subliña.

Karreta ne’ebé hetan asidente ho marka Hilux ho sapa matríkula 26.517.

Distásia karreta baku fila ba rai naruk kuaze metru atus.

No More Posts Available.

No more pages to load.