Membru F-FDTL ida Fasilita Fa’an Motor Na’ok

by -862 views
Motoro ne'ebe DNTT deteta. Foto Jaime Pires

Jornalista Jaime Pires / Editór Noémio Falcão

DILI (Timor Post)— Membru FALINTIL Forsa Defeza Timor-Leste (F-FDTL), ida fasilita fa’an Motor na’ok ba joven ida hafoin ba deteta iha

Diresaun Nasionál Transporte Terrestre (DNTT) deteta motor ho marka Mio Beat ho númeru matríkula N.0902, ne’ebé lakon iha loron 15 Novembru 2020.

António Paul Sarmento da Cruz

Bainhira deteta iha loron 23 Agostu 2021, vitíma ne’ebé sosa motor, António Paul Sarmento da Cruz hatete, nia parte la hatene tanba nia hola motor ne’e iha tinan kotuk, no foin dadaun lori ba DNTT atu troka naran maka deteta katak motor ne’e na’ok.

“Ha’u hola motor ne’e liuhusi maun forsa ida (membru F-FDTL) tanba momentu ne’ebá motor ne’e maun forsa mak halo kordenasaun no nia parte ba fó osan foti kedas motor iha Palapasu, ha’u la hatene ema faan Motor ne’e maibé ha’u koñese mak maun forsa ne’e tanba nia mak matadalan hodi fa’an motor ne’e mai ha’u,” António bá jornalista sira iha Eskuadra Polísia Vera-Kruz, Kaikoli, Kinta (26/08/2021).

Nia haktuir, momentu nia hola motor ne’e ho folin $700 hatun ba dólar $650, no surat motor kompletu enkuantu eleitoral momentu ne’ebá ne’e motor na’in ida sira na’ok ne’e ninia maibé nia husu dehan nia maun nia motor mak sira faan entaun nia parte fiar no konsege hola duni.

“Dokomentu kompletu, eleitoral motor nain nian, maibé ida faan ne’e fó hatene mai ha’u dehan ninia maun nian,” António hatutan.

Motor agora lori ona ba eskuadra polísia Vera-Kruz, no motor na’in mós ba haree ona. Parte sira tenta kontaktu ema ne’ebé faan motor maibé labele tanba la konese no laiha númeru kontaktu, maibé tanba António koñese di’ak hela membru F-FDTL ne’e maka halo ona kontaktu maibé seidauk ba eskuadra polísia.

“Ha’u kontaktu ona forsa ne’e atu mai hodi bolu ema faan motor ne’e mai atu bele rezolve ka fó fali ha’u nia osan atu nune’e ema na’in atu foti fali nia motor, maibé nia la mai ami telefone dala haat dala lima ona nia la mai, ha’u koñese forsa ne’e di’ak nia hela iha Palapasu no ema Ainaro Nunu-Moge naran inisial (R),” vitíma ne’e deklara.

Nia subliña, entrega ona motor ba iha polísia hodi bolu ema fa’an tutan motor no matadalan fa’an Motor ne’e hodi bele fó fali nia osan, atu nune’e ema na’in bele foti fali nia motor.

Martinho Dos Reis

Iha sorin seluk motor na’in Martinho Dos Reis hatete, nia motor ne’e lakon iha loron 15 Novembru 2020.

“Alin mane oan ida sosa motor ne’e mós mak entrega didi’ak no nia ko’alia ho ha’u Tiu motor mak ne’e tanba ha’u mós sosa tutan nia entrega ho dokomentu kompletu no eleitoral ne’e ha’u nia foto maibé sira troka tiha naran, mak bosok labrik mane hola ne’e dehan nia maun nia,” tenik Nia.

No More Posts Available.

No more pages to load.