MEJD Simu Apoiu Material Emerjénsia Hosi Plan Internasional

by -696 views
Diretora Plan Internasionál Dillyana Ximenes Entrega Instrumentu Eskolár ba Diretór Jerál Ministériu Edukasaun, Raimundo José Néto, iha MEJD, Vila Verde Dili, Segunda (14/03).

(Reportajen Cardenio Alves/Editor Mateus da Cruz)

DILI (Timor Post)- Plan Internasional Apoiu Material Konstrusaun Emerjénsia ba Ministériu Edukasaun Juventude no Desportu (MEJD), ajudu ida ne’e hodi fó protesaun hosi risku dezastre natrais ne’ebé akontese iha eskola sira.

“Plan Internasional hanesan parseiru ida ne’ebe sempre fó apoiu ba ministériu edukasaun juventude no desportu liuliu iha area protesaun no dezastre naturais nomos apoiu material emerjénsia no seluk tan”. dehan Dirétor Nasional Asaun Sosial Eskolar, Joaquim Martins, iha Sala Konferénsia MEJD Villa-Verde, Segunda (14/03).

Nia hatete, hahú hosi tinan 2020 to’o 2022, Plan apoiu ona material emerjénsia ba eskola 36, iha tinan ne’e Plan apoiu ona  material emerjénsia ba eskola afetadu 9, enkuantu hamutuk eskola 23 mak seidauk hetan apoiu material emerjénsia.

Material ne’ebe apoiu husi Plan Internasional mak hanesan kalen hamutuk 700 no Pregu kalen 100 Kg inklui Ai medida 6×12 hamutuk unidade 650 no Ai medida 5×10 hamutuk Unidade 650.

Entertantu, Country Director Plan Internasional, Dillyana Ximenes, hatete, Plan Internasional iha komitmentu hakarak servisu hamutuk ho MEJD ba iha atividade dezenvolvimentu no atividade emerjénsia.

Servisu hamutuk entre plan internasional no MEJD ne’ebe foku liu ba Edukasaun no Simulasaun sedu iha munisipiu Aileu no Ainaru liuliu ba Pre-Eskolar sira. (Lee notisia seluk iha Timor Post/Asesu You Tube Timor post)

No More Posts Available.

No more pages to load.