MD Prevee Millaun $ 1.3 Hodi Rekruta Forsa 600 foun iha 2021

husi -46 views

Timor Post (11/11/2020)— Diretór Jerál Ministériu Defeza, Nuno de Carvalho dos Santos hateten Ministériu Defeza (MD) prevee Milaun $1.3 liuhosi kategoria saláriu vensimentu ba tinan fiskál 2021. Montante ne’e inklui ona ba forsa foun 600 ne’ebé atu rekruta ba instituisaunFALINTIL- Forsa Defeza Timor-Leste.

“Desizaun polítika iha ona katak 600 pesoas ita sei rekruta iha tinan fiskál 2021. Hosi rekrutamentu ne’ebé iha ita prepara kondisaun hanesan haree ba infraestrutura, haree ba meiu sira, haree ba preparasaun no ekipamentu sira-ne’ebé iha hodi suporta prosesu rekrutamentu ne’e rasik,” dehan Diretór bainhira hala’o audiénsia ho Komisaun B (Negósiu Estranjeiru, Defeza no Seguransa), iha Parlamentu Nasionál, kuarta ne’e.

Nia akresenta MD sei halo kritériu rekrutamentu ba timoroan sira-ne’ebé interese kompete iha vaga forsa foun
Antes ne’e rekrutamentu halo dalas rua iha tinan rua tuir malu ba kotuk, maibé prosesu ne’e la remata tanba impase polítika ne’ebé la’o iha rai laran.(Jornalista : Julio Salinas Soares)