Mapkoms Jerónimo: “Hamutuk Hakat Liu Difikuldade”

by -287 views

(Reportájen Suzana Cardoso)

DILI (Timor Post) – Hasoru selebrasaun restaurasaun Independensia ba dala-19 Ministru Asuntus Parlamentares no Komunikasaun Sosiál (Mapkoms), Francisco Martins da Costa Pereira Jerónimo hato’o mensajen hodi husu povu Timor-Leste (TL) hamutuk hodi hakat liu difikuldade sira.

Hateten Mapkoms, iha komemorasaun tinan 2021 ne’e, ita hotu rekoñese pandemia pandemia Covid-19 ne’ebé sa’e maka’as iha ita nia rain no kalaminidade , loron 4 Fulan Abríl Tinan 2021.

“Hatudu ita nia nasaun iha situasaun defisil nia laran. Ita hotu mós rekoñese, propagasaun Covid-19, reduz atividade ekonómika kauza ba problema oioin iha moris familia no traballador Timoroan sira nian,” katak Mapkoms Jerónimo hodi hatutan.

Aliende ne’e amiasa mós ba kapasidade ekonómika empreza Timoroan tanba kauza husi dezastre naturais iha Loron 4 Fulan Abríl Tinan 2021ne’ebé prepara atu fó resposta ba kombate pandemia Covid-19 sai defisil liu tan ho problema sira ne’ebé ita nia nasaun hasoru.

Katak Mapkoms Jerónimo, Estadu no Governu RDTL mós foti ona medida sira ho imediata hodi fó resposta ba estabiliza ekonomia, proteje saúde povu nian no konstroe fali infrastrutura sira.

“Tanba ne’e ho espiritu restaurasaun independensia nian, mai ita tau forsa hamutuk hodi bele hakat liu difikuldade sira ne’ebé ita nia nasaun hasoru dadaun ne’e. Parabéns povu Timor-Leste ba komemorasaun 20 Maiu 2021,” tenik Mapkoms Jerónimo.(Lee mensajen kompletu iha jornál Timor Post)

No More Posts Available.

No more pages to load.