Manu-Mutin Manan Mutlak Iha ‘Luhan’ Manu-Mean

by -2.801 views
Fiskais Eleisaun Prezidensial periodu 20222022-2027 iha sentru votasaun Farol foin mak hahú halo kontajen (Foto Timor Post/Jose Caet)

(Reportájen José Caet/Editora Suzana Cardoso)

DILI (Timor Post) – Kandidatu numeru sorteiu 14, Jose Ramos Horta alias Manu-Mutin manan mutlak iha luhan manu mean iha sentru votasaun Eskola Bazika Filial Farol.

Sentru Votasaun Eskola Bazika Filial Farol utiliza sala hamutuk haat ba estasaun votu, hodi fasilita eleitor sira bele vota ho lais.

Kandidatu Prezidente Republika periodu 2022-2027 kompostu hosi kandidatu numeru sorteiu ida too numeru sorteiu 16.

Total eleitor hamutuk na’in 2.950 votante hamutuk 1.952 no ida abandona iha kabina votu, sentru votasaun Eskola Bazika Filial Farol, suku Motael, postu administrativu Na’in Feto, munisipiu Dili.

Total bulletin ne’ebé mak la utiliza hamutuk 238 no bulletin ne’ebe utiliza hamutuk 1.952.

  1. Isabel da Costa Fereira, hetan votu 11
  2. Hermes Korreia Barros, hetan votu 61
  3. Maria Angela Freitas da Silva, hetan votu 1
  4. Rogerio Tiago Lobato, hetan votu 2
  5. Anacleto Bento Ferreira, hetan votu 5
  6. Francisco Guterres ‘Lu Olo’, hetan votu 297
  7. Maria Helena de Jesus Pires, hetan votu 57
  8. Tito da Costa Cristovao ‘Lere Anan Timor’, hetan votu 161
  9. Armanda Berta dos Santos, hetan votu 54
  10. Antero Bendito da Silva, hetan votu 1
  11. Costancio Pinto, hetan votu 3
  12. Virgilio da Silva Guterres, hetan votu 17
  13. Martinho Germando da Silva Gusmao, hetan votu 5
  14. Jose Manuel Ramos Horta, hetan votu maioria hamutuk 1.144
  15. Felisberto A. Duarte, hetan votu 2
  16. Mariano Asanami Sabino Lopes, hetan votu 105

Entretantu bulletin nulu hamutuk 21, bulletin branku hamutuk 3, bulletin kanseladu zero no bulletin reklamadu ida.

Tuir observasaun Timor Post, iha sentru votasaun Eskola Bazika Filial Farol, militante hakilar hodi dehan, “mean tau tara, maibe baku fila saying”.

Hafoin apoiante kandidatu numeru sorteiu 14 hakilar katak, mutin manan metin. Militante hosi kandidatu numeru sorteiu neen, hatan fali katak, lakon mos metin ho mean.

Iha sentru votasaun Eskola Bazika Filial Farol, fiskais sira hahu kontajen votu iha urna hamutuk ualu, dezde tuku 15:00 no remata iha tuku 23:22 oras Timor-Leste.

Fiskais eleisaun prezidensial periodu 2022-2027 iha sentru votasaun refere konta hotu, deside hodi konta fali ho razaun atu hatene numeru loloos.

Alende ne’e moos, Polisia Nasional Timor-Leste (PNTL), mantein asegura kontajen votu iha sentru votasaun Farol to’o remata.(Lee Notísia Seluk Iha Jornál Timor Post/Asesu You Tube Timor Post)

No More Posts Available.

No more pages to load.