Mákina Anestezia Iha Ospitál Referral Maubisse Avaria

by -59 views

DILI (Timor Post)—Ministra Saúde, Odete Maria Freitas Belo, rekoñese mákina anestezia, mákina ne’ebé fó partu inan ho sezariana kuaze tinan ida ona avaria, maibé ho preokupasaun hirak ne’e Ministériu Saúde tenta hela atu kompras mákina foun ho fundu Covid-19 nian.

“Ami identifika hela Ospitál Referral balun, sira nia mákina anestezia ne’ebé aat hanesan iha Maubesi nian, ida ne ami hanoin hela ho fundu Covid-19 nian ne’ebé iha, ami hanoin oinsá atu sosa fila-fali ekipamentu hirak ne’e atu bele tau mós iha sala izolamentu Covid-19 nian, tanba pasiente ne’ebé mai ho Covid-19, la’ós pasiente baibain de’it, maibé iha mós pasiente balun mai ho partu sezariana no balun mai ho kazu sirúrjiku nian sira presiza tindakan, ne’ebé liga mós asuntu risku”, lia hirak ne’e hato’o hosi Ministra Saúde, ba jornalista iha Salaun MS Palásiu Sinzas Kaikoli, Tersa (31/08).

Tanba ne’e, Ministériu Saúde tenke koloka ekipamentu hirak ne’ebé hanesan iha HNGV no mós hanesan ekipamentu ba Covid-19 nian.

“Hakarak ka lakohi ita tenke sosa ekipamentu, tanba ita haree iha Ospitál Referral Maubesi mákina avaria fó impaktu ba pasiente partu ho sezariana hosi dook ne’ebá mai to’o iha Dili, ho distánsia ne’ebé dook”, nia rekoñese.

Relasiona ho mákina ne’ebé avaria, Ministra Saúde alerta ba inan gravida sira no pasiente baibain, katak ho situasaun hanesan ne’e, bainhira hetan moras uitoan tenke hakbesik ba Ospitál, nune’e médiku sira bele halo tratamentu identifika moras saida, karik presiza halo referral tenke ho dalan ne’ebé naruk no refere sira ho kondisaun ne’ebé di’ak.

Iha parte seluk, Diretora Ezekutivu Hospital Referral Maubesi, Doutora Gabriela Magno da Conceição Pereira, pasiente inan isin rua sira, bainhira atu partu no hetan evakuasaun hosi fatin ida ba fatin seluk tenke hetan atendimentu ne’ebé urjente.

“Sé mákina fó partu inan ho sezariana, aat klaru katak fó prejudika ba atendimentu iha Ospitál, nune’e médiku sira mós sei la fó partu iha de’it fatin presiza halo refere ba Hospital Nasionál Guido Valadares (HNGV)”, nia haktuir.

Nia konta, mákina refere avaria kuaze tinan ida ona. Tanba ne’e, inan isin rua ne’ebé presiza hetan operasaun tenke haruka ba HNGV. Maibé ba inan ne’ebé partu sezariana, enkuantu inan ne’ebé partu normal sira partu iha Ospitál Referral.(res)

No More Posts Available.

No more pages to load.