Ma’Huno Obra FRETILIN

by -364 views
Imajen ne’e hatudu Saudozu Ma’Huno nia isin mate lori ba CCF hodi hetan omenajen ikus husi Sekretáriu Jerál FRETILIN ho membru sira hotu. Foto Espesial

Jornalista José Caet / Editór Noémo Falcão

DILI (Timor Post)—Sekretáriu Jerál FRETILIN, Marí Bim Amude Alkatiri subliña, Saudozu José António Gomes da Costa  alias Ma’Huno Bulerek Karathayano obra husi partidu ne’e nian. Nia luta ba libertasaun nasional valor boot tebes to’o ohin loron husik ona mundu.

“Ma’Huno hola parte iha uma ida ne’e. Ma’Huno obra hosi partidu ida ne’e (FRETILIN) nian mak sei hela no ami. Ida ne’e mak sei hela ba povu tomak, povu mak sei lori ba oin to’o aban bainrua, ami kumpre ona devér ne’ebe Ma’Huno husik hela mai ami,” ho mataben Alkatiri afirma bainhira presta omenajen ikus ba Saudozu Ma’Huno nia isin mate iha Comite Central FRETILI (CCF), Komoro, Dili, Domingu (26/09/2021).

Alkatiri hatete, ohin Ma’hunu nia isin hosi ne’e ba dala-ikus, maibé tenke fila-hikas ba rai doben Timor-Leste ida-ne’ebé partisipa ba libertasaun.

“Ma’hunu nia klamar fila-hikas ba Maromak no ita hotu-hotu hein katak, Maromak simu iha nia kadunan santu no ho vida interna, loron ruma ita bele hasoru malu,” Alkatiri dehan.

Ma’Huno hakotu iis iha Hospital Nacional Guido Valadares (HNGV) iha loron Sesta lorokraik (24/09/2021).

Ma’Huno durante ne’e infetadu moras daet COVID-19 izola iha Sentru Izolamentu Lahane, maibé hafoin teste ikus negativu no transfere ba HNGV tanba sei infrenta moras seluk maibé la konsege salva.

Ma’Huno  moris iha loron 14 Abril 1949. Nia nu’udar FALINTIL ne’ebé hamutuk ho Komandante Ein Xefe Kayrala Xanana Gusmão konsege lidera funu to’o Timor Leste hetan libertasaun husi okupasaun Repúblika Indonézia.

Ma’Huno nu’udar atual Vise Prezidente Dahuluk Partidu Kongresu Nasional Rekonstruksaun Timorense (CNRT).

No More Posts Available.

No more pages to load.