Mahoka Tulun Estadu Rehabilita Postu Trânzitu Dili Laran

by -388 views
Imajen ne’e hatudu postu polísia ne’ebe hetan rehabilitasaun. Foto TP: Jaime Pires

Jornalista Jaime Pires / Editór Noémio Falcão

DILI (Timor Post)—Emprezáriu timoroan ho naran koñesidu Mahoka ho laran luak f’o apoiu ba Estadu liuhusi rehabilita postu polísia tránzitu sira iha Dili laran.

Vise Ministru Interior (V-MI), António Armindo rekoñese, rehabilitasaun postu polísia trânzitu ne’e la’ós ho osan estadu. Ho nune’e, governante ne’e agradese ba kontribuisaun Mahoka boot tebes.

“Governu nia orsamentu ba PNTL no Ministeriu Interior tinan ida ne’e ba halo reabilitasaun ba postu sira ne’e laiha, ne’ebé reabilitasaun ne’e apoiu husi ita nia eprezariu Timoroan sira rasik,” António ba Timor Post via telefone, Kinta (05/08/2021).

Nia haktuir, uluk kompañia Ataúru Express mak halo, maibé agora haree ba postu sira ne’e komesa aat ona, entaun Mahoka hasai nia osan rasik ba halo rehabilitasaun.

“Orsamentu laiha ne’e apoiu de’it, tanba nia sente hanesan sidadaun Timoroan ne’e mak nia hakarak apoiu volontariumente,” António hatutan.

Observasaun Timor Post haktuir, postu trânzitu sira ne’ebé mak Mahoka sobu ona hodi halo fali reabilitasaun mak hanesan, Postu Trânzitu iha Bairru Pite Rua, ida iha Prokurador Jerál Repúblika nia oin Kolmera, no ida iha Hotel Timor nia oin. Notísia seluk lee iha Jornal Timor Post

No More Posts Available.

No more pages to load.