MAE Distribui Material Eletróniku ba Suku 452 iha Territóriu Nasionál

by -326 views
Ministru Administrasaun Estatál (MAE) Miguel Pereira Carvalho iha lansamentu distribuisan material elektoniku, Imajen Esp

(Reportajen Estaziadu Mariano Abi/Asistente Editor Hermenegildo da Costa Tilman)

Dili (Timor Post)–Ministériu Administrasaun Estatál (MAE), Distribui Material eletróniku ba xefe suku 452 iha Territóriu Nasionál hodi bele fasilita halo servisu ho di’ak.

Ministru Administrasaun Estatál (MAE) Miguel Pereira Carvalho, hatete, Serimónia distribuisaun materiál hahú hosi Munisípiu Ermera no sei kontinua ba munisípiu seluk inklui Ataúro no Rejiaun Administrativa Espesiál Oé-cusse Ambeno (RAEOA).

“Materiál eletróniku hanesan komputadór ida, mákina imprime ida no Uninterruptible power supply (UPS-sigla inglés) ida. Sasán eletróniku hirak ne´e atu ajuda hadi’a funsionamentu ba administrasaun suku, hodi tau matan ba interese públiku nian,” dehan nia liu husi Komunikadu ne’ebé Online Timor Post asesu, tersa, (29/03)

Enkuantu ho atribuisaun ekipamentu hirak ne’e, MAE apela ba xefe suku sira hotu no membru Konsellu Suku nian, atu kolabora ho adminitrasaun lokál estadu no Administrasaun Sentrál, hodi tau matan ba interesse públiku no komunidade nian iha suku sira.

“Hau hakarak dehan ba xefe suku hotu katak, obrigasaun no dever Governu nian mak fasilita suku sira, ho meiu rekursu ne’ebé adekuadu, nune’e suku bele ezerse sira nia atribuisaun tuir Lei Suco, Lei nú 9/2016 hodi nune’e bele tau matan ba povu nia moris,” Hakotu (Lee Notisia Seluk Iha Jornal Timor Post/ Asesu You Tube Timor Post)

No More Posts Available.

No more pages to load.