Luis Roberto husu Pesoál Saúde Servisu Profisionál

by -35 views
Luis Roberto

DILI (Timor Post)—Vise Prezidente Parlamentu Nasionál hosi partidu Kmanek Haburas Unidade Nasionál Timor Oan (KHUNTO), Luis Roberto, husu ba Ministériu Saúde orienta pesoál saúde sira halo atendimentu ba sidadaun sira ho profisionál.

“Sidadaun sira nia kbiit la to’o mak sira mai atu konsulta iha ospitál, maibé doutór sira adia nafatin to’o rezulta bebé mós mate inklui inan isin rua sira mós mate, ne’e signifika ita oho ita nia sidadaun ho malorek ona, tanba ne’e husu nafatin ba governu liuliu Ministériu Saúde atu orienta ninia ema sira iha Timor laran tomak servisu tenke ho profisionál”, dehan Luis Roberto, ba jornalista sira iha uma fukun Parlamentu Nasionál, Tersa (17/08).

Nia dehan, relasiona ho inan isin rua ida hosi munisípiu Bobonaru ho naran inisiál AM ho moras ne’ebé grave ba halo tratamentu iha Klínika Bairru Pité, maibé to’o iha ne’ebá doutór sira la atende, entaun sira muda fali ba Ospitál Nasionál Guido Valadares (HNGV) to’o ne’ebá doutór sira haruka ba baixa iha Vera Cruz, entaun to’o fatin refere doutór sira halo atendimentu ba inan grávida todan ne’e, doutór sira laiha, entaun bebé mate iha inan nia kabun laran.

Maibé to’o agora sei iha Vera Cruz família hein hela doutór sira atu fó rezultadu, maibé seidauk fó sai rezultadu atu nune’e família sira bele hatene motivu husi mate ne’e.

Aleinde ne’e, tuir mai vasina doze daruak governu liuhusi Ministériu Saúde ko’alia katak, kuandu simu vasina daruak tenke livre.

“Maibé realidade ha’u simu informasaun husi ONG Empreza di’ak, sira viajen ba Atauru sira hala’o servisu semana ida, depois sira fila tenke tuir teste swab, maibé pozitivu nafatin”, hakotu Luis. (mj7)

No More Posts Available.

No more pages to load.