Lú Olo Selebra Ikus Loron Proklamsaun Independénsia, Fó Indultu ba Prizioneiru Na’in-11

by -300 views
Prezidente Repúblika Francisco Guterres Lú Olo

Dili (Timor Post)—Francisco Guterres Lú Olo, selebra ikus Loron Proklamasaun Independénsia ba dala-46 nu’udar Prezidente Repúblika periodu 2017-2022. Iha serimónia nasionál ne’e, Lú Olo ezerse nia kompeténsia hodi fó indultu ba prizoneiru na’in-11.

Komunikadu ba imprensa ne’ebé Timor Post assesu Sesta (26/11/2021), haktuir, desizaun ne’e bazeia ba Konstituisaun Repúblika Demokrátika Timor-Leste,  artigu 85, fó indultu nu’udar kompeténsia eskluziva Prezidente Repúblika nian hafoin rona Governu.

Fó indultu no komutasaun pena tenke halo tuir, ninia fundamentu, nomeadamente ezijensias pessoais, umanitárias, familiares no sosiais husi kondenadu no ezijensia ba resosializasaun, komportamentu prizional no esforsu ba reinsersaun sosial. Haree mós ba komportamentu prizional no esforsu ba reinsersaun sosial husi rekluzu no razoins umanitaria ho kazu atu impoin.

Tuir tradisaun prezidensial, iha okaziaun Loron Proklamasaun Independénsia, Prezidente Repúblika, iha ámbitu haktuir iha poderes konstituisionais no husi proposta Governu fó indultu ba rekluzus na’in-11 ba krimes ne’ebé konsideradu menores.

Rekluzus na’in-11 ne’ebé hetan indultu mak:Albertino Freitas Magno, Atanásio Ribeiro Belo, Domingos Gusmão Marques, Gerónimo Marques, Luis Marques, Mateus Boavida Marques, João Guterres, Abreu Ramos da Costa, Júlio Ximenes, Armindo Martins no Eliza da Conceição Gonçalves Noronha. (cao)

No More Posts Available.

No more pages to load.