Lú Olo Rekoñese Xanana mak Lidera Planu da Paz Hakotu Konflitu iha Timor Leste

by -3.744 views
Prezidente Repúblika Francisco Guterres Lú Olo lidera serimónia hasa’e bandeira RDTL iha selebrasaun Loron Proklamasaun Independénsia ba-dala-46 iha Munisípiu Baukau, 28 Novembru 2021. Foto Mídia PR

Baukau (Timor Post)—Prezidente Repúblika Francisco Guterres Lú Olo iha diskursu selebrasaun Loron Proklamasaun Independénsia ba-dala-46, iha Munisípiu Baukau, subliña, Kayrala Xanana Gusmão maka lidera komandu da luta hato’o ba Naoens Unidas Planu da Paz hakotu konflitu iha Timor Leste.

Lú Olo hatete, iha momentu ne’eba ho fiar metin ba povu sei hili dalan Ukun Rasik An maka, planu da paz ne’ebé Xanana lidera konsege rejulta referendum iha tinan 1999 no ikus mai atinji duni mehi.

“Ikus mai ita realiza duni referendu, ne’ebé hala’o iha 1999, ho supervizaun Nasoins Unidas no maioria Povu la hili autonomia ho Indonésia  significa hakarak hamrik mesak nu’udar estadu soberanu ida tanba ne’e, ita restaura ita-nia independénsia, iha 20 maiu 2002, ho rekonesimentu internasionál,” Lú Olo subliña.

Serimónia restaurasaun independénsia tama iha istória nu’udar konkista boot ida husi kombatentes libertasaun nasional, husi frente hothotu, husi mós  solidariedade internasionál. Too ikus, konkista husi povu rasik.

“Husi esforsu tomak hotu-hotu nian mak ita hetan vitoria boot ida nee: Moris ho liberdade tomak iha ita-nia Rai Doben, nu’udar Timoroan, ho ita-nia hanoin no hakarak rasik,” Lu Olo hatutan.

Nune’e, ho onra no orgullu, Lu Olo iha nia selebrasaun ikus hanesan Prezidente Repúblika ba periodu 2017-2022 kondekora asuuain nain tolu nulu resin sia (39), ho Ordem Timor-Leste.

“Nunee mós ho onra no orgullu mak ha u kondekora hamutuk asuuain sanulu resin tolu ne’ebé mate iha funu laran, ka hafoin ita resetaura ita-nia independénsia,”.

“Ho naran Estadu nian, ha’u fó omenájen espesiál ba eroína, erói no  mártir sira hotu,  instituisaun relijioza sira hotu iha rai-laran,  ba ita nia diplomata lima ho dedikasaun exkluziva  no mós ba ativista timoroan iha rai-liur, ne’ebé hala’o servisu, ho fiar metin, katak ita sei ukun-an filafali.

Ho ksolok mak ha’u hatoo omenájen mós ba organizasaun solidariedade no belun ida-idak ne’ebé  luta hamutuk ho ita, atu hetan ita nia direitu  ba ukun rasik-an.

Ha’u agradese Governu sira ne’ebé apoia kedas ita-nia luta, ho meiu oioin, liuliu país sira ne’ebé  ita iha ligasaun istórika  no  koalia mós lian portugés no  halo parte CPLP ohinloron.

Iha loron ida ohin, ha u hakarak hasae aas no hatoo agradesimentu mós ba esforsu hothotu ne’ebé Portugal halo, iha ONU, nu’udar poténsia administrante,  atu ita manán direitu  hili rasik ita-nia destinu, liuhusi Referendu ida. (cao)

No More Posts Available.

No more pages to load.