Lú Olo Marka Diálogu Komunitáriu no Kuda Ai-oan iha Bubur Laran

by -203 views
Prezidente Repúblika Francisco Guterres Lú Olo

Manufahi (Timor Post)—Tprezidente Repúblika Francisco Guterres Lú Olo marka tiha ona ajenda halo diálogu ho komunidade Munisípiu Manufahi no Ainaro. Durante vizita, Lú Olo sei kuda ai-oan iha Osoáriu Bubur Laran, Luak besik estátua Don Boaventura.

Ekipa avansadu husi Prezidénsia Repúblika to’o ona iha fatin diálogu dahuluk iha Manufahi iha loron Tersa (16/11/2021). hodi halo koordenasaun ho autoridade munisipál  ba eventu ida ne’e.

Assesora Serbisu Sosiedade Sivil Assuntu Sosial Casa Sivil (SASS) Zelia Fernandes iha reuniaun haktuir, durante Lú Olo iha Manufahi sei hala’o de’it diálogu no kuda ai-oan, deskansa kalan ida no kontinua ba Munisípiu Ainaro.

“Hafoin diálogu prezidente repúblika sei deskansa iha Manufahi kalan ida no iha Sexta loron (18/11)  ho komitiva aranka ba munisipíu Ainaro,” Zélia hatete.

Tempu hanesan Administrador Munisipíu Manufahi, Arantes Isaac Sarmento hatete, preparadu ba simu xefe estadu.

“Ho vizita prezidente repúblika mai Manufahi no hanesan autoridade munisipíu ho estrutura tomak prontu hela tanba antes ne’e preparadu hela,” Arantes hatete.

No More Posts Available.

No more pages to load.